އައި.ޑީ.ޕީގެ ކެންޑިޑޭޓްގެ ނަން ކަމިޝަނަރ އޮފީހުން ބަލައިގެންފި

ދިވެހިރާއްޖޭގެ ހުރިހާ ޕާރޓީތައް ހިމެނޭ ގޮތަށް 2008 ވަނަ އަހަރު ބާއްވާ ފުރަތަމަ ރިޔާސީ އިންތިހާބްގައި އިސްލާމިކް ޑިމޮކްރެޓިކް ޕާރޓީއިން ވާދަ ކުރައްވާނެ ކަމަށް އިއުލާން ކުރައްވާފައިވާ ނަންފުޅު ކަމިޝަނަރ އޮފް އިލެކްޝަންސް އިން ބަލައިގެންފިއެވެ. އައި.ޑީ.ޕީގެ ފަރާތުން އުމަރު ނަސީރުގެ ނަންފުޅު ކަމިޝަނަރ އޮފީހަށް ހުށަހެޅުއްވީ 2008 ސެޕްޓެމްބަރ 21 ވަނަ ދުވަހުގެ 14:30 ގައެވެ. އަދި އެމަނިކުފާނުގެ ނަންފުޅެ އެއޮފީހުން ބަލައިގަތް ކަން ރަސްމީކޮށް އައި.ޑީ.ޕީ އަށް މިއަދު އަންގަވާފައިވާކަމަށް އައި.ޑީ.ޕީގެ މީޑިޔާ ކޯރޑިނޭޓަރ ފާތުމަތު ޝާހުނާޒް މައުލޫމާތު ދެއްވައެވެ.