Protesting near the parliament building

Umar Naseer and supporters protesting against the bill that is to allow 50-year resort lease which is being debated in the parliament.

Rally against 50 year resort lease

Umar Naseer and supporters rallying against 50-year resort lease.

އުމަރު ނަސީރު ލ.މާވަށު ރައްޔިތުންނާއި ބައްދަލުކުރައްވައިފި

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އަލްފާޟިލް އުމަރު ނަސީރު ލ.އަތޮޅަށް ކުރައްވަމުން ގެންދަވާ ދަތުރުފުޅުގައި ލ.މާވަށަށް ވަޑައިގެން މިރަށު މުހިންމު ތަންތަނަށް ޒިޔާރަތް ކުރައްވާ ރަށުގެ އާންމު ހާލަތު ބައްލަވައިލައްވައިފިއެވެ. އަދި މިރަަށު ރައްޔިތުންނާއި ބައްދަލުކުރައްވާ އެމަނިކުފާނުގެ ސިޔާސަތުތައް ހާމަކުރެއްވިއެވެ. އެމަނިކުފާނުގެ ވާހަކަފުޅުގައި '' ތިބޭފުޅުންނަށް ދިމާވެފައިވާ ޑްރަގްގެ މައްސަލަތަކާއި ގޯތިގެދޮރުގެ މައްސަލަތަކާއި ސިއްހީ މައްސަލަތަކާއި ދީނީ ކަންތައްތައް ފަދަ ބޮޑެތި މައްސަލަތައް ހަމަޖެއްސޭނީ މިހާރު ކުރިމަތިލައްވާފައި ތިބި ކެންޑިޑޭޓުންގެ ތެރެއިން ހަމައެކަނި އަޅުގަނޑަށް ކަމުގައި އުމަރު ނަސީރު ވިދާޅުވިއެވެ.'' އެހެންވީމާ ދިވެހިރާއްޖޭގެ ވެރިއަކަށް މިފަހަރު ވޯޓް ދެއްވާ އިރު 6 ނަމްބަރ ކެންޑިޑޭޓްގެ ގޮޅީގައި ރަގަޅު ފާހަގަ ޖެއްސެވުމަށް އެމަނިކުފާނު އެދިވަޑައިގެންނެވިއެވެ.

ރާއްޖެއިން ބޭރުން އެތެރެ ކުރާ މަސްވެރިކަމާއި ބެހޭ ސާމާނުގެ ޑިޔުޓީ މާފްކޮށްދެއްވާނެ ކަމަށް އުމަރު ނަސީރު ވިދާޅުވެއްޖެ

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އުމަރު ނަސީރު ރާއްޖޭގެ ދެކުނަށް ކުރައްވަމުން ގެންދަވާ ދަތުރުފުޅުގައި މިހާރު ވަޑައިގެން އުޅުއްވަނީ ގއ.ދާންދޫގައެވެ. ދާންދޫއަށް ވަޑައިގެންނެވީ މިއަދު (2008 އޮކްޓޯބަރު 04 ވަނަ ދުވަހުގެ) 15:30 ގައެވެ. މިރަށަށް ވަޑައިގެންނެވިއިރު އުމަރު ނަސީރު އަށް މަރުހަބާ ދެންނެވުމަށް މިރަށުގެ ވަރަށް ގިނަ އަދަދެއްގެ ރައްޔިތުން ގޮނޑުދޮށަށް ވަޑައިގެން ތިއްބެވެ. މަރުހަބާ ދެންނެވުމަށް ވަޑައިގެން ތިއްބެވި ބޭފުޅުންނާއި އެމަނިކުފާނު ބައްދަލުކުރެއްވުމަށް ފަހު ރަށުގެ މުހިންމު ތަންތަނަށް ޒިޔާރަތް ކުރައްވާ ރަށުގެ އާންމު ހާލަތު ބައްލަވާ ލެއްވިއެވެ. އަދި އެއަށްފަހު މިރަށު ރައްޔިތުންނާއި ބައްދަލުކުރައްވާ އެމަނިކުފާނުގެ ސިޔާސަތުތައް ހާމަކުރެއްވިއެވެ. އެމަނިކުފާނުގެ ވާހަކަފުޅުގައި އެމަނިކުފާނުގެ ވެރިކަމެއްގައި ލޯކަލް ގަވާރމަންޓް ޤާއިމް ކުރުމުން އެކަމުގެ ސަބަބުން ދާންދޫއަށް ބޮޑެތި ފައިދާ ތަކެއް ކުރާނެކަމަށް ވިދާޅުވިއެވެ. އަދި ރާއްޖެއިން ބޭރުން މަސްވެރިކަމަށް ދޯނި ފަހަރު ބަނުމަށް ގެންނަ ލަކުޑިއާއި ދޯނު ފަހަރުގައި ބެހެއްޓުމަށް ގެންނަ އިންޖީނު ފަދަ ހުރިހާ އެއްޗެއްގެ ޑިޔުޓީ މާފްކޮށްދެއްވާނެކަމަށް ވިދާޅުވިއެވެ. އަދިވެސް އެމަނިކުފާނުގެ ދިނީ ސިޔާސަތު، ލޯކަލްގަވާރމަންޓްގެ ސިޔާސަތު އަދި ޑްރަގްގެ ސިޔާސަތަކީ އެއްވެސް އެހެން ކެނޑިޑޭޓެއް ނުދައްކާ ވާހަކަތަކެއް ކަމަށާއި ޑްރަގް ހުއްޓުވުމަށްޓަކައި ކޮންމެ ބޭފުޅަކުވެސް ވިދާޅުވަނީ ޑްރަގް ހުއްޓުވަން އެކަށީގެންވާ ފިޔަވަޅުތައް އަޅުއްވާނެކަމަށެވެ. އެއީ ކޮން ފިޔަވަޅުތަކެއްކަން އެއްވެސް ކެންޑިޑޭޓަކު ވިދާޅުވަމުން ނުގެންދަވާ ކަމަށްވެސް ވިދާޅުވިއެވެ. ދާންދޫ އަކީ މަސްވެރިކަމުގެ ރަށަކަށް ވުމާއިއެކު އެކުއާރކަލްޗާރގެ އިންޑަސްޓްރީ ފުޅާކޮށް އެހިދުމަތްވެސް މިރަށައްދެއްވާނެކަމަށް އެމަނިކުފާނު ވިދާޅުވިއެވެ.
ދެން މިއަދު އުމަރު ނަސީރު ވަޑައިގަތުމަށް ހަމަޖެހިފައިވަނީ ގދ.ތިނަދޫއަށެވެ. އެއަށްފަހު ދެން ވަޑައިގަތުމަށް ހަމަޖެހިފައިވަނީ ލ.އަތޮޅަށެވެ.

އައި.ޑި.ޕީގެ ރިޔާސީ ކެންޑިޑޭޓް އުމަރު ނަސީރު ފ.ނިލަންދޫ އަށާއި ފ.ދަރަބޫދޫއަށް ވަޑައިގެންފި

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް ކުރައްވަމުން ގެންދަވާ ދަތުރުފުޅުގައި ފ.ނިލަންދޫ އަށާއި ފ.ދަރަބޫދޫއަށް ވަޑައިގެންފިއެވެ. ފ.ނިލަންދޫއަށް ވަޑައިގެންނެވީ މިއަދު (2008 ސެޕްޓެމްބަރ 26 ވަނަ ދުވަހު) 12:25 ގައެވެ. މިރަށަށް ވަޑައިގެން މިރަށު ބަނދަރު ސަރަހައްދުގައި ހުކުރު ނަމާދަށް ފަހު މިރަށު ރައްޔިތުންނާއި ބައްދަލުކުރެއްވިއެވެ.

ރައްޔިތުންނާއި ބައްދަލުކުރައްވާ ދެއްކެވި ވާހަކަފުޅުގައި އެމަނިކުފާނުގެ ވެރިކަމެއްގައި ރާއްޖޭގެ މަގުތަކަކީ އަޅުގަނޑުމެންގެ ދަރިން އުޅެން އަމަން އަމާން ތަނަކަށް ހައްދަވައިދެއްވާނެކަމަށާއި ރާއްޖޭގެ ކަނޑުތައް ފުރިހަމައަށް ހިމާޔަށް ކޮށްދެއްވާނެ ކަމަށާއި މީހާރު އެއިން އެއްވެސް ކަނޑެއް އެއްވެސް އެގްރީމެންޓެއްގެ ދަށުން ބަޔަކަށް ދީފައި އޮތްނަމަ އެއެގްރިމެންޓް ބާތިލް ކުރައްވާ މިނިވަން ކޮށްދެއްވާނެކަމަށް ވިދާޅުވިއެވެ. ސަރުކާރުގަ އާއި އަމިއްލަ ކުންފުނިތަކުގައި ވަޒީފާ އަދާކުރައްވާ ބޭފުޅުންގެ އިތުރުން އެއްވެސް ގޮތަކުން އެއްވެސް ވަޒީފާއެެއް އަދާކުރައްވާ ރައްޔިތެއް ކަމުގައި ވިޔަސް އެއީ މަސްވެރިކަން ނުވަތަ ދަނޑުވެރިކަން ކުރާ މީހެއް ކަމުގައި ވިޔަސް ޕްރޮވިޑެންޓް ފަންޑުގައި އެބޭފުޅަކު ހިމެނުއްވާނެކަމަށް ވިދާޅުވިއެވެ.

ފ.ނިލެންދޫގެ އާންމު ހާލަތު ބައްލަވާ ރައްޔިތުންނާއި ބައްދަލުކުރެއްވުމަށް ފަހު މިއަދު (2008 ސެޕްޓެމްބަރ 26 ވަނަ ދުވަހު) 14:36 ގައި ވަޑައިގަތީ ފ.ދަރަބޫދޫ އަށެވެ. މިރަށުގެ ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުން އުމަރު ނަސީރު ވިދާޅުވީ އެމަނިކުފާނުގެ ވެރިކަމެއްގައި އެއްފަސް ކުރުމުގެ ޕްރޮގްރާމް ކުރިއަށް ގެންދަވާނެ ކަމަށާއި ރާއްޖޭގައި ލޯކަލް ގަވާރމަންޓް އެއްއަހަރު ދުވަހުގެ ތެރޭގައި ޤާއިމްކޮށްދެއްވާ އިންތިހާބް ކުރެވިފައި އޮންނަ ރަށު ކައުންސިލާއި، އިންތިހާބް ކޮށްފައި ތިބޭ ކަތީބުންނާއި، އިންތިހާބް ކުރެވިފައި އޮންނަ ރކ.ކޮމެޓީއާއި، އިންތިހާބް ކުރެވިފައި އޮންނަ އަތޮޅުވެރިޔާގެ އަތްމައްޗަށް ބާރާއި އިހުތިޔާރާއި ފައިސާ ދޫކޮށްލައްވާނެ ކަމަށް އުމަރު ނަސީރު ވިދާޅުވިއެވެ. އަދިވެސް ވާހަކަފުޅު ދައްކަވަމުން އުމަރު ނަސީރު ވިދާޅުވީ އެހެނިހެން ސިޔާސީ ބޭފުޅުންނަށް ވިދާޅުވަން ކެރިވަޑައިގެން ނުގަންނަވާ ތަފާތު ސިޔާސަތު ތަކެއް އެމަނިކުފާނު މިގެންދަވަނީ ވަރަށް ސާބިތު ކަމާއި އެކު ރަށްރަށުގެ ރައްޔިތުންނާއި ހިއްސާ ކުރައްވަމުން ކަމަށެވެ.

އުމަރު ނަސީރު މެދުރާއްޖެތެރެއަށް ކުރައްވާ ކެމްޕޭން ދަތުރުފުޅުގައި ފ.ދަރަބޫދޫ އަކީ ވަޑައިގަތުމަށް ހަމަޖެހިފައިވާ އެންމެ ފަހުރަށެވެ. މިހާރު އުމަރު ނަސީރު އާއި އެމަނިކުފާނުގެ ކެމްޕޭން ޓީމް މާލެ ވަޑައިގަތުމަށް ދަތުރުފުޅުފަށްޓަވައިފިއެވެ. އަދި ލަފާކުރެވޭ ގޮތުގައި މިރޭ އިރުއޮއްސި 19:00 ހާއިރު މާލެ ވަޑައިގަންނަވާނެއެވެ.

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު ދ.މާއެނބޫދޫ އަށާއި ދ.ހުޅުދެއްޔަށް ވަޑައިގެންފި

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު ދ.މާއެނބޫދޫ އަށް ވަޑައިގެންފިއެވެ. ދ.މާއެނބޫދޫ އަކީ 970 ވަރަކަށް މީހުން ހިމެނޭ ރަށެކެވެ. މިރަށައް ވަޑައިގެންނެވީ މިއަދު 2008 ސެޕްޓެމްބަރު 25 ވަނަ ދުވަހުގެ 15:55 ގައެވެ. މިރަށަށް ވަޑައިގެން އެންމެ ފުރަތަމަ ރަށު ރައްޔިތުންނާއި ބައްދަލުކުރެއްވައި އެމަނިކުފާނުގެ ސިޔާސަތުތައް ހާމަކުރެއްވިއެވެ. އެއަށްފަހު ރަށުގެ މުހިންމު ތަންތަނަށް ވަޑައިގެން ރަށުގެ އާންމުހާލަތު ބައްލަވައިލެއްވިއެވެ. އަދި އެއަށްފަހު ދ.ހުޅުދެލިއަށް ވަޑައިގެންނެވިއެވެ. ދ.ހުޅުދެލެއަށް ވަޑައިގެންނެވީ 17:35 ގައެވެ.

މިރޭ އުމަރު ނަސީރު އާއި އެމަނިކުފާނުގެ ކެމްޕޭން ޓީމް ރޭކުރުމަށް ހަމަޖެހިފައިވަނީ ހުޅުދެލީގައެވެ. އަދި މިރޭ 09:15 ގައި ހުޅުދެލީގެ ރައްޔިތުންނާއި ބައްދަލުކުރެެއްވުން އޮންނާނެކަމަށް އައި.ޑީ.ޕީގެ މުރާސިލް މައުލޫމާތު ދެއްވައެވެ.

'' އަޅުގަނޑު ދެންނެވި ސިޔާސަތުތައް ނުދެމެހެއްޓެވޭނެ ނަމަ ތަނޑިބައެއް އަތަށް އަމުނައިގެން ރައީސްކަމުގެ ގޮނޑީގައި ރަނބަ ހަލުވާކަށް ނީންނާނަން '' އުމަރު

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް ކުރައްވާ ކެމްޕޭންދަތުރުފުޅުގައި ދ.ކުޑަހުވަދޫއަށް ވަޑައިގެންފިއެވެ. ދ.ކުޑަހުވަދޫ އަށް މިއަދު (2008 ސެޕްޓެމްބަރު 25 ވަނަ ދުވަހު) ވަޑައިގެންނެވީ 13:55 ގައެވެ. މިރަށައް ވަޑައިގެން ރަށުގެ މުހިންމު ތަންތަނަށް ޒިޔާރަތްކުރައްވާ ރަށުގެ އާންމު ހާލަތު ބައްލަވައިލެއްވިއެވެ. އަދި އެއަށްފަހު 14:00 ގައި މިރަށުގެ ރައްޔިތުންނާއި ބައްދަލުކުރައްވާ އެމަނިކުފާނުގެ ސިޔާސަތުތައް ހާމަކުރެއްވިއެވެ. އުމަރު ނަސީރުގެ ވެރިކަމެއްގައި އެމަނިކުފާނު ވިދާޅުވާ ސިޔާސަތުތައް ދަމަހައްތަވާނަންތޯ އެރަށުގެ ރައްޔިތަކު ދެންނެވި ސުވާލަށް ޖަވާބުދެއްވަމުން ވިދާޅުވީ އެސިޔާސަތުތައް ނުދެމެހެއްޓެވޭނެ ނަމަ ތަނޑިބައެއް އަތަށް އަމުނައިގެން ރައީސްކަމުގެ ގޮނޑީގައި ރަނބަ ހަލުވާކަށް ނީންނަވާނެކަމަށް ވިދާޅުވިއެވެ. އުމަރުގެ ވާހަކަފުޅުގައި މިފަހަރު ރިޔާސީ އިންތިހާބަށް ކުރިމަތި ލައްވާފައިވާ ބޭފުޅުންތަކުގެ ތެރޭގައި ތިޔަބޭފުޅުންގެ ޤައުމް ތިޔަބޭފުޅުން ހަވާލުކުރަންވާނީ އެމީހަކާއި ދިމާލަށް ވަރަށް ރަގަޅަށް ބައްލަވާފައިކަމަށްވެސް ވިދާޅުވިއެވެ.

'' ޑްރަގް އެތެރެކުރާ މީހުންނަށް މަރުގެ އަދަބު ނުދެވޭ ގޮނޑިއެއްގައި އެއްމެ މިނެޓަކަށްވެސް ގޮނޑި ހޫނުކުރަން ނީންނާނަން '' އުމަރު ނަސީރު

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް ކުރައްވާ ކެމްޕޭންދަތުރުފުޅުގައި 2008 ސެޕްޓެމްބަރު 25 ވަނަ ދުވަހު އުމަރު ނަސީރު ތ.ބުރިނީ ރައްޔިތުންނާއި ބައްދަލުކުރައްވާ ޑްރަގް އެތެރެ ކުރާމީހުންނަށް މަރުގެ އަދަބު ނުދެވޭ ގޮނޑިއެއްގައި އެންމެ މިނެޓަކުވެސް ގޮނޑި ހޫނުކުރަން ނީންނާނެ ކަމަށް އުމަރު ނަސީރު ވިދާޅުވެއްޖެއެވެ. މިރަށުގެ ވަރަށް ގިނަ އަދަދެއްގެ ރައްޔިތުން އެމަނިކުފާނުގެ ވާހަކަފުލު އަޑުއެއްސެވަން މިބައްދަލުވުމަށް ވަޑައިގެންނެވިއެވެ. އަދި އެމަނިކުފާނާއި މިރަށު ރައްޔިތުންނާއި ކުރެއްވި ހުރިހާ ސުވާލުތަކަށް ޖަވާބު ދެއްވި ކަމަށް އައި.ޑީ.ޕީގެ މުރާސިލް މައުލޫމާތުދެއްވައެވެ.

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު ތ.ބުރުނީގައި

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް ކުރައްވާ ކެމްޕޭންދަތުރުފުޅުގައި މިހާރު ވަޑައިގެން އުޅުއްވަނީ ތ.ބުރުނީގައެވެ. ތ.ބުރުނީ އަށް ވަޑައިގެންނެވީ 11:37 ގައެވެ. އުމަރު ނަސީރު މިރަށު ރައްޔިތުންނާއި ބައްދަލުކުރެއްވުން 12:30 ގައި މިރަށު ބަނދަރު ސަރަހައްދުގައި އޮންނާނެއެވެ. މިރަށުގެ މުހިންމު ތަންތަނަށް އުމަރު ނަސީރު ޒިޔާރަތް ކުރެއްވިކަމަށް އައި.ޑީ.ޕީގެ މުރާސިލް މައުލޫމަތު ދެއްވައެވެ. އަދި މިރަށުގައި ސުނާމީގައި ހާލުގައި ޖެހުނު ވިލިފުށީ ރައްޔިތުންގެ ދިރިއުޅެމުންދާ ޓެންޓްތަކަށް ޒިޔާރަތް ކުރައްވާނެކަމަށްވެސް މައުލޫމާތު ދެއްވިއެވެ.

ދެހާއްޖީންގެ ރަށުގައި އުމަރު ނަސީރު

ދިވެހިރާއްޖޭގެ ރައީސުލްޖުމްހޫރިއްޔާގެ މަޤާމަށް ކުރިމަތިލައްވާފައިވާ އައި.ޑީ.ޕީގެ ރިޔާސީ ކެންޑިޑޭޓް އަލްފާޟިލް އުމަރު ނަސީރު ރޭ (2008 ސެޕްޓެމްބަރ 24 ވަނަ ދުވަހުގެ ރޭ) 09:30 ގައި ދިވެހިރާއްޖެ އެދެބޭފުޅަކަށްޓަކައި ފަހުރުވެރިވާ ދެހާއްޖީންގެ ރަށް ކަމުގައިވާ ތ އަތޮޅު ތިމަރަފުށްޓަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވައިފިއެވެ. މިބައްދަލު ވުން އޮތީ އެރަށު ބަނދަރު ސަރަހައްދުގައެވެ. މިބައްދަލުވުމަށް އެރަށުގެ ވަރަށް ގިނަ ރައްޔިތުން ވަޑައިގެން އެމަނިކުފާނުގެ ވާހަކަފުޅު އަޑުއެއްސެވިއެވެ. އުމަރުގެ ވާހަކަފުޅުގައި އެމަނިކުފާނުގެ ވެރިކަމެއްގައި ކަންކަން ހަމަޖައްސަވާ ރާއްޖެއަށް ދިމާވެފައިވާ ބޮޑެތި ހުރިހާ ކަމެއް ހައްލުކޮށްދެއްވާނެކަމަށް ވިދާޅުވިއެވެ. އޭގެ ތެރޭގައި ގޯތިގެދޮރުގެ ދަތިކަމާއި އެއްފަަސްކުރުން އަދި ވަކިން ހާއްސަކޮށް ޤައުމަށް ކުރިމަތިވެފައިވާ ޑްރަގް ގެ ނުރައްކާތެރިކަމުން ޤައުމް ސަލާމަތް ކޮށްދެއްވާނެ ކަމަށެވެ.

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު ތ.ގާދިއްފުށީ އަދި ތ. ގުރައިދޫ އަށް ވަޑައިގެންފިި

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް ކުރައްވާ ކެމްޕޭންދަތުރުފުޅުގައި މިހާރު ވަޑައިގެން އުޅުއްވަނީ ތ.ގުރައިދޫގެ އާންމު ހާލަތު ބައްލަވާ އެރަށު ރައްޔިތުންނާއި ބައްދަލުކުރެއްވިއެވެ. ތ.ގުރައްދީ ރައްޔިތުންނާއި ވާހަކަފުޅު ދައްކަވަމުން ވިދާޅުވީ ދިވެހިރާއްޖޭގައި ފުރިހަމަ ލޯކަލް ޤަވާރމަންޓްގެ ނިޒާމެއް ޤާއިމްކޮށްގެން ނޫނީ ދިވެހިރާއްޖެ ތަރައްޤީ ނުކުރެވޭނެކަމަށް ފެނިވަޑައިގަންނަވާކަމަށެވެ. ﷲ އިރާދަފުޅުން އެމަނިކުފާނަށް ދިވެހިރާއްޖޭގެ ވެރިކަން ލިބިއްޖެނަމަ ލޯކަލް ގަވާރމަންޓްގެ ފުރިހަމަނިޒާމެއް ޤާއިމް ކުރައްވާނެކަމަށް ވިދާޅުވިއެވެ. އަދި ދިވެހިރާއްޖެއަށް ދިމާވެފައިވާ އެންމެ ބޮޑު މައްސަލަ، ޑްރަގްގެ ހާލަތު އަނބުރާލައްވާނެ ކަމަށާއި ރާއްޖޭގެ ހަތަރު ސަރަހައްދުގައި ހަތަރު ސިޓީ ޤާއިމް ކުރައްވާނެ ކަމަށެވެ. ގުރައިދޫ އަކީ އެއްފަސް ކުރަން ޖެހޭ ރަށެއް ނޫން ކަމަށާއި ރާއްޖޭގެ ހަތަރު ސަރަހައްދުގައި ހަތަރު ސިޓީ ޤާއިމް ކުރެއްވުމުން ގުރައިދޫ ފަދަ ރަށްރަށައް ތަރައްޤީ އިތުރުވެގެން ދާނެކަމަށް އުމަރު ނަސީރު ވިދާޅުވިއެވެ.

ތ.ގުރައިދޫގެ ރައްޔިތުންނާއި ބައްދަލުކުރައްވާ އެރަށުގެ އާންމު ހާލަތު ބެއްލެވުމަށްފަހު މިހާރު އެމަނިކުފާނު ވަޑައިގެން އުޅުއްވަނީ ތ.ގާދިއްފުށީގައެވެ. ތ.ގާދިއްފުށްޓަށް ވަޑައިގަތީ 16:25 ގައެެވެ. ތ.ގާދިއްފުށީގެ މުހިންމު ތަންތަނަށް ޒިޔާރަތް ކުރެއްވުމަށް ފަހު މިހާރު އުމަރު ނަސީރު އެރަށުގެ ރައްޔިތުންނާއި ބައްދަލުކުރައްވަމުން އެބަގެންދަވައެވެ.

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު ތ.ގުރައިދޫގައިި

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް ކުރައްވާ ކެމްޕޭންދަތުރުފުޅުގައި މިހާރު ވަޑައިގެން އުޅުއްވަނީ ތ.ގުރައިދޫގައެވެ. ތ.ގުރައިދޫ އަށް ވަޑައިގަތީ މިއަދު 14:22 ގައެވެ. ގުރައިދޫގެ މުހިންމު ތަންތަނަށް ޒިޔާރަތް ކުރެއްވުމަށް ފަހު މީހާރު އުމަރު ނަސީރު މިރަށު ހޮޅުއަށި ސަރަހައްދުގައި ރައްޔިތުންނާއި ބައްދަލުކުރައްވަމުން އެބަގެންދަވައެވެ.

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މ.ކޮޅުފުށީގެ ސުނާމީގައި ހާލުގައި ޖެހުނު ރައްޔިތުންނާއި ބައްދަލުކުރައްވައިފި

އައި.ޑީ.ޕީގެ ރައީސް އަދި ރިޔާސީ ކެންޑިޑޭޓް އުމަރު ނަސީރު މ.މުލީގެ އާންމު ހާލަތު ބައްލަވާ އެރަށުގެ ރައްޔިތުންނާއި ބައްދަލުކުރެއްވުމަށްފަހު މ.ކޮޅުފުށްޓަށް ވަޑައިގަތުމަށް މިއަދު ހެނދުނު 11:05 ގައި ދަތުރުފުޅު ފަށްޓަވައި 11:40 ގައި ކޮޅުފުށްޓަށް އުމަރު ނަސީރު ވަޑައިގެންނެވިއެވެ. އަދި މިހާރި އެމަނިކުފާނު ގެންދަވަނީ ކޮޅުފުށީގެ ސުނާމީގައި ހާލުގައި ޖެހުނު ރައްޔިތުންނާއި ބައްދަލުކުރައްވަމުންނެވެ. ޓެންޓު ތަކަށް ވެދިވަޑައިގެން އެތަންތަނުގައި އެރަށު ރައްޔިތުން އުޅެމުން ގެންދާ ދަތި ހާލަތު އެމަނިކުފާނު ބައްލަވަމުން އެބަ ގެންދަވައެވެ. އަދި ޓެންޓު ތަކުގައި ދިރިއުޅެމުންދާ މިރަށުގެ ރައްޔިތުން އެބޭފުޅުންގެ އުދާސްތައް އެމަނިކުފާނަށް ދެންނެވިއެވެ. ދުވާލު ހޫނުގަދައިރު ޓެންޓުތަކުގެ ތެރޭގައި ދިރިނޫޅެވޭތީވެ ވޭތުވިދިޔަ 4 އަހަރު ދުވަހުގެ ތެރޭގައި އެރަށުގެ ދުވާލުގެ ގަޑި ތަކުގައި ރައްޔިތުން އުޅެނީ ޓެންޓުން ބޭރުގައި ގަސްގަހުގެ ހިޔަލުގައިކަމަށް އެބޭފުޅުން ފާހަގަ ކުރެއްވިއެވެ. އައި.ޑީ.ޕީ އިން ދެކޭ ގޮތުގައި މިޓެންޓު ތަކަކީ އެއްގޮތަކަށްވެސް އިންސާނުން ދިރިއުޅެން އެކަށީގެންވާ ތަންތަނެއް ނޫނެވެ. ކޮޅުފުށީގެ ރައްޔިތުން ދެކޭ ގޮތުގައި ސަރުާރުން އެމީހުންނަށް ދޭންވާވަރާ ގާތަށްވެސް އެހީތެރިކަން ނުދެއްވާކަމަށް ރައްޔިތުން ފާހަގަ ކުރައްވައެވެ. މިހާރުމިވަނީ ދެވަނަ ސުނާމީ އެއް ކޮޅުފުށްޓަށް އަރާފައިކަމަށް އެއީ އެމީހުންގެ ހާލު އެއްދުވަހުން އަނެއް ދުވަހަށް ގޯސް ވަމުން އަންނާތީކަމުގައި މިރަށު ރައްޔިތުން ފާހަގަ ކުރެއްވިއެވެ. އަދި މީގެ އިތުރުން މިއަތޮޅުގެ އަތޮޅުވެރިން އެކަށީގެންވާ ވަރަށް މިރަށަށް ޒިޔާރަތް ނުކުރައްވާ ކަމަށްވެސް ފާހަގަކުރެއްވިއެވެ.

"އައި.ޑި.ޕީގެ ވެރިކަމެއްގައި ޑްރަގް އެތެރެކޮށް ވިއްކާ ނިޒާމް ފުނޑުފުނޑު ކޮށްލާނަން" – އުމަރު ނަސީރު

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މިހާރު މެދުރާއްޖެ ތެރެއަށް ކުރައްވަމުން ގެންދަވާ އެމަނިކުފާނުގެ ކެމްޕޭން ދަތުރުފުޅުގައި 2008 ސެޕްޓެމްބަރ 23 ވަނަ ދުވަހުގެ ރޭ 09:30 ގައި މ.މުލީ ބަނދަރުގައި ހުންނަ ސްޓޭޖް ސަރަހައްދުގައި މިރަށު ރައްޔިތުންނާއި ބައްދަލުކުރައްވައިފިއެވެ. އުމަރުގެ ވާހަކަފުޅުގައި އެމަނިކުފާނުގެ ވެރިކަމެއްގައި މަސްތުވާތަކެތި އެތެރެކޮށް ވިއްކާ ނިޒާމް ފުނޑުފުނޑު ކޮށްލާނެ ކަމަށް ވިދާޅުވިއެވެ. އަދި އެމަނިކުފާނުގެ ސިޔާސަތުތައް މިރަށުރައްޔިތުނަށް ހާމަކުރައްވާ ރައްޔިތުން ކުރެއްވި ސުވާލުތަކަށް އެމަނިކުފާނު ޖަވާބުދެއްވިއެވެ.

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މ.ނާލާފުށްޓަށާއި މ.މުލި އަށް ވަޑައިގަންނަވައިފި

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް މިހާރު ކުރައްވަމުން ގެންދަވާ ކެމްޕޭން ދަތުރުފުޅުގައި މިހާރު ވަޑައިގެން އުޅުއްވަނީ މ.ނާލާފުށީގައެވެ. މ.ނާލާފުށްޓަށް ވަޑައިގެންނެވީ 17:00 ގައެވެ. މ.ނާލާފުށްޓަށް ވަޑައިގެން މިރަށުގެ މުހިންމު ތަންތަނަށް ޒިޔާރަތްކުރެއްވިއެވެ. އަދި އަތިރިމަތީ ހޮޅުއަށީގައި މިރަށުރައްޔިތުންނާއި ބައްދަލުކުރައްވާ އެމަނިކުފާނުގެ ސިޔާސަތުތައް ހާމަކުރެއްވިއެވެ. އަދި ރައްޔިތުންނާއި ދެއްކެވި ވާހަކަފުޅުގައި ވޯޓް ގަންނާނެ ފައިސާ ނެތްކަމަށާއި އެމަނިކުފާނަށް ދެވެން އޮތީ ހިތްވަރާ، އަޒުމާ، އެމަނިކުފާނުގެ ލޭފޮދު ކަމަށެވެ. މިރަށު ރައްޔިތުންނާއި ބައްދަލުކުރެއްވުމަށްފަހު ދެން ވަޑައިގެންނެވީ މ.މުލި އަށެވެ. މ.މުލިއަށް ވަޑައިގެންނެވީ 17:35 ގައެވެ.

މ.މުލިއަށް ވަޑައިގެންނެވިއިރު އެމަނިކުފާނަށް މަރުހަބާ ދެންނެވުމަށް ވަޑައިގެންތިއްބެވި ރައްޔިތުންނާއި ބައްދަލުކުރައްވާ ރަށުތެރެ ބައްލަވާލެއްވިއެވެ. މިރޭ އުމަރު ނަސީރު އާއި އެމަނިކުފާނުގެ ކެމްޕޭން ޓީމް ރޭކުރުމަށް ހަމަޖެހިފައިވަނީ މ.މުލީގައެވެ. އަދި މިރޭ 09:30 ގައި އުމަރު ނަސީރު މިރަށު ބަނދަރުމަތީ ސްޓޭޖް ސަރަހައްދުގައި ގައި މުލީގެ ރައްޔިތުންނާއި ބައްދަލުކުރައްވާނެއެވެ. އަދި ރަށުތެރޭގައި އެމަނިކުފާނަށް މަރުހަބާ ދެންނެވުމަށް ގިނަ އަދަދެއްގެ ޕޯސްޓަރު ހަރުކޮށްފައިވާ ކަމަށް އައި.ޑީ.ޕީގެ މުރާސިލް މައުލޫމާތު ދެއްވައެވެ.

އުމަރު ނަސީރުގެ ވެރިކަމެއްގައި މ.ދިއްގަރަށް ފްލެޓް

އައި.ޑީ.ޕީގެ ރިޔާސީ ކެންޑިޑޭޓް އަލްފާޟިލް އުމަރު ނަސީރުގެ ކެމްޕޭން ދަތުރުފުޅުގައި މ.ދިއްގަރަށް ވަޑައިގެން މިއަދު (2008 ސެޕްޓެމްބަރ 23 ވަނަ ދުވަހު) 15:30 ގައި އެރަށު މާރުކޭޓް ސަރަހައްދުގައި ރައްޔިތުންނާއި ބައްދަލުކުރައްވައިފިއެވެ. މިބައްދަލުކުރެއްވުމުގައި ވާހަކަފުޅު ދައްކަވަމުން އެރަށުގެ ރައްޔިތުން ކުރެއްވި ސުވާލަކަށް ޖަވާބު ދެއްވަމުން ވިދާޅުވީ މިރަށަކީ ބިން ފުރުފައިވާ ރަށަކަށްވާތީ އެމަނިކުފާނުގެ ވެރިކަމެއްގައި މިފަދަ ރަށްރަށުގައި އަޅުއްވަން ހަމަޖައްސަވާފައިވާ ފްލެޓްތަކުގެ ތެރެއިން މިރަށުގައިވެސް ފްލެޓް އަޅުއްވައިދެއްވާނެ ކަމަށެވެ.

މިރަށުގެ ރައްޔިތުން އެމަނިކުފާނު ވަޑައިގަތުމުން ދެއްވި ތަރުހީބަށް ޝުކުރު އަދާކުރެއްވިއެވެ.

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މ.ދިއްގަރުގައި

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މިހާރު މެދުރާއްޖެތެރެއަށް މިހާރު ކުރައްވަމުން ގެންދަވާ ކެމްޕޭން ދަތުރުފުޅުގައި މިހާރު ވަޑައިގެން އުޅުއްވަނީ މ.ދިއްގަރުގައެވެ. މ.ދިއްގަރަށް ވަޑައިގެންނެވީ 14:25 ގައެވެ.

ގަދަކަމުން އެއްވެސް ރަށެއް އެއްފަސް ނުކުރައްވާނެ ކަމަށް އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު ވިދާޅުވެއްޖެ

އުމަރު ނަސީރުގެ އެއްފަސްކުރުމުގެ ސިޔާސަތުގެ ދަށުން ގަދަކަމުން އެއްވެސް ރަށެއް އެއްފަސް ނުކުރައްވާނެ ކަމަށް ވ.ފެލިދޫގެ ރައްޔިތުންނާއި ވާހަކަފުޅު ދައްކަވަމުން މިއަދު ވިދާޅުވެއްޖެއެވެ. އަދި އުމަރު ނަސީރުގެ ވާހަކަ އަޑުއެއްސެވުމަށް ވަޑައިގެންތިއްބެވި މިރަށުގެ ރައްޔިތުން އުމަރު ނަސީރަށް ދެންނެވީ އެމަނިކުފާނުގެ ސިޔާސަތުތަކަކީ މިހާރު ސިޔާސީ މައިދާނަށް ނިކުމެ ވަޑައިގެންތިއްބެވި ބޭފުޅުންގެ ތެރެއިން އެންމެ ރަގަޅު ސިޔާސަތުތައް ކަމަށެވެ. އަދި ރައްޔިތުން ކުރެއްވި ހުރިހާ ސުވާލުތަކަށްވެސް އެމަނިކުފާނު ޖަވާބު ދެއްވިއެވެ. އެމަނިކުފާނު އެރަށުން ފުރާވަޑައިގަތީ 13:35 ގައެވެ. ދެން ވަޑައިގަތުމަށް ހަމަޖެހިފައިވަނީ މ.ދިއްގަރަށެވެ.

އައި.ޑި.ޕީގެ ރިޔާސީ ކެންޑިޑޭޓް އުމަރު ނަސީރު ވ.ފެލިދޫގައި

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މިހާރު މެދުރާއްޖެތެރެއަށް ކުރައްވަމުން ގެންދަވާ ދަތުރުފުޅުގައި މިހާރު ވަޑައިގެން އުޅުއްވަނީ ވ.ފެލިދޫގައެވެ. ވ.ފެލިދޫއަށް ވަޑައިގަތީ މިއަދު 12:40 ގައެވެ. މިރަށަށް ވަޑައިގެން ރަށު އޮފީހަށް ޒިޔާރަތްކުރެއްވިއެވެ. އަދި މިހާރު އަތިރިމަތި ހޮޅުއަށީގައި އެރަށުރައްޔިތުންނާއި ބައްދަލުކުރައްވަމުން އެބަގެންދަވައެވެ.

އައި.ޑި.ޕީގެ ރިޔާސީ ކެންޑިޑޭޓް އުމަރު ނަސީރު މެދުރާއްޖެ ތެރެއަށް ފުރާވަޑައިގެންފި

އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު މެދުރާއްޖެތެރެއަށް ކުރައްވަން ހަމަޖެހިފައިވާ ކެމްޕޭން ދަތުރުފުޅު މިއަދު (2008 ސެޕްޓެމްބަރ 23 ވަނަ ދުވަހުގެ) 11:00 ގައި ފަށްޓަވައިފިއެވެ. މިދަތުރުފުޅުގައި ރައްޔިތުންނާއި ބައްދަލުކުރައްވާ އެމަނިކުފާނުގެ ސިޔާސަތުތައް ހާމަކުރައްވާނެއެވެ. އަދި އެރަށްރަށުގެ އާންމު ހާލަތު ބައްލަވާ ސްކޫލް، އޮފީސް، މިސްކިތް އަދި އިންޖީނުގެފަދަ މުހިންމު ތަންތަނަށް ޒިޔާރަތް ކުރައްވާ ރކ.ކޮމީޓީތަކާއި ކްލަބް ޖަމްއިއްޔާތަކާއި ބައްދަލުކުރުމަށްވެސް ވަނީ ހަމަޖެހިފައެވެ. މިދަތުރުފުޅުގައި މިއަދު ވަޑައިގަތުމަށް ހަމަޖެހިފައިވަނީ ވ.ފެލިދޫ، މ.ދިއްގަރު، މ.ނާލާފުށި، މ.މުލި އަދި މ.މުލަކަށެވެ.

އައި.ޑީ.ޕީގެ ކެންޑިޑޭޓްގެ ނަން ކަމިޝަނަރ އޮފީހުން ބަލައިގެންފި

ދިވެހިރާއްޖޭގެ ހުރިހާ ޕާރޓީތައް ހިމެނޭ ގޮތަށް 2008 ވަނަ އަހަރު ބާއްވާ ފުރަތަމަ ރިޔާސީ އިންތިހާބްގައި އިސްލާމިކް ޑިމޮކްރެޓިކް ޕާރޓީއިން ވާދަ ކުރައްވާނެ ކަމަށް އިއުލާން ކުރައްވާފައިވާ ނަންފުޅު ކަމިޝަނަރ އޮފް އިލެކްޝަންސް އިން ބަލައިގެންފިއެވެ. އައި.ޑީ.ޕީގެ ފަރާތުން އުމަރު ނަސީރުގެ ނަންފުޅު ކަމިޝަނަރ އޮފީހަށް ހުށަހެޅުއްވީ 2008 ސެޕްޓެމްބަރ 21 ވަނަ ދުވަހުގެ 14:30 ގައެވެ. އަދި އެމަނިކުފާނުގެ ނަންފުޅެ އެއޮފީހުން ބަލައިގަތް ކަން ރަސްމީކޮށް އައި.ޑީ.ޕީ އަށް މިއަދު އަންގަވާފައިވާކަމަށް އައި.ޑީ.ޕީގެ މީޑިޔާ ކޯރޑިނޭޓަރ ފާތުމަތު ޝާހުނާޒް މައުލޫމާތު ދެއްވައެވެ.

އައި.ޑީ.ޕީގެ ރިޔާސީ ކެންޑިޑޭޓް ޢުމަރު ނަޞީރު އުތުރުގެ މީހުން އުޅޭ އާބާދީގެ 1/3 އާބާދީއަށް ޒިޔާރަތްކުރައްވައިފި

14 މާރޗް 2008

ދިވެހިރާއްޖޭގެ ރައީސުލް ޖުމުހޫރިއްޔާއަކު އިންތިޚާބުކުރުމަށް މިއަހަރު ބޭއްވޭ އިންތިޚާބުގައި ވާދަކުރެއްވުމަށް އިސްލާމިކް ޑިމޮކްރެޓިކް ޕާޓީއިން އިންތިޚާބުކޮށްފައިވާ ޕާޓީގެ ރައީސް އަލްފާޟިލް ޢުމަރު ނަޞީރު ކުރިއަށް މިއޮތް ތިންމަސްދުވަހުގެ ތެރޭގައި ރާއްޖޭގެ މީހުންދިރިއުޅޭ ހުރިހާ ރަށަކަށް ވަޑައިގަތުމަށް ނިންމެވުމުގެ މަތިން ފުރަތަމަ މާލެއިން މަރުހަލާގައި އުތުރުގެ މީހުން ދިރިއުޅޭ ހުރިހާ ރަށަކަށް ފެއްޓެވި ދަތުރުފުޅުގައި މިއަދަކީ 6 ވަނަދުވަހެވެ. ހިތްވަރާއި ސާބިތުކަމާއި އެކު ކުރައްވަމުން މިގެންދަވާ ދަތުރުފުޅުގައި މިއަދުގެ ނިޔަލަށް އުތުރުން ކުރެއްވުމަށް ހަމަޖެހިފައިވާ އާބާދީގެ 1/3 އެއްބަޔަށް މިހާރުވަނީ ޒިޔާރަތްކުރައްވާފައެވެ.
އައި.ޑީ.ޕީގެ ރިޔާސީ ކެންޑިޑޭޓް ޢުމަރު ނަޞީރުގެ މިދަތުރުފުޅަކީ މުޅިރާއްޖެ ދެނެގަތުމާއި ރައްޖޭގެ ރާއްޔިތުންނަށް ތައާރަފްވެވަޑައިގަތުމާއި، އެމަނިކުފާނާއި އެމަނިކުފާނުގެ މެނިސްފެސްޓޯއާއި ބެހޭގޮތުން ރައްޔިތުން ކުރައްވަން ބޭނުންވާ ސުވާލުތަކަށް ޖަވާބުދާރީވެވަޑައިގަތުމުގެ ގޮތުން ކުރައްވާ ދަތުރުފުޅެކެވެ.
އައި.ޑީ.ޕީގެ ރިޔާސީ ކެންޑިޑޭޓް ވިދާޅުވާ ގޮތުގައި ރައީސުލްޖުމުހޫރިއްޔާ ކަމުގެ މަޤާމަށް ކުރިމަތިލައްވާ ކޮންމެ ބޭފުޅަކީވެސް އެބޭފުޅުކަށް އެމަޤާމަށް ވަޑައިގެންނެވޭއިރު ރާއްޖޭގެ ރައްޔިތުންނާއި ބައްދަލުކުރެވި ރައްޔިތުންގެ ހިތްތަކުގައި އުފެދިފައިވާ ސުވާލުތަކަށް ޖަވާބު ދާރީވެ ވަޑައިގަނެވިފައިވާ ޤައުމުގެ ހާލަތާއި ބެހޭގޮތުން ކުރެވޭ ކޮންމެ ސުވާލަކަށްވެސް ޖަވާބުދާރީވެ ވަޑައިގެންނެވޭ ވަރަށް ޤައުމުގެ ހާލަތު އެނގިވަޑައިގެންނެވިފައިވާ ބޭފުޅަކަށް ވެވަޑައިގަންނަވާން ޖެހިވަޑައިގަންނަވާނެވެ. މުޅިރާއްޖެއަށް ކުރައްވަން ނިންމެވި ޒިޔާރަތުގެ ބޭނުންފުޅަކީ މީކަމުގައި ޢުމަރު ރައްޔިތުންނާއި ދައްކަވަމުންގެންދަވާ ވާހަކަފުޅުގައި ޢުމަރު ވިދާޅުވެއެވެ.
ޢުމަރު ނަޞީރުގެ ވާހަކަފުޅުތަކުގައި ރިޔާސީ ކެންޑިޑޭޓުންވެސް އެބޭފުޅުންގެ މެނިފެސްޓޯއާއި އެކު ރައްޔިތުންނާއި ބައްދަލުކުރައްވާނެ ކަމަށާއި، އަދި މިހުރިހާ ބޭފުޅުން އެއްތަނެއްގައި ޓީވީ ބަހުސްތަކުންވެސް ރައްޔިތުންނަށް ފެނުން އެކަށީގެންވާ ކަމަށާއި، މިފަހަރު ރައީސުލްޖުމުޙޫރިއްޔާއަކު ރައްޔިތުން ހޮއްވަވާއިރު އެބޭފުޅުންގެ މެނިފެސްޓޯއަށާއި ދައްކަވާފައިވާ ވާހަކަފުޅުތައް އަދި ބަހުސްތައް ބައްލަވާ ކޮންމެ ރައްޔިތަކުވެސް އެރައްޔިތެއްގެ ނަޒަރުގައި ދިވެހިރާއްޖޭގެ ރައީސުލްޖުމުހޫރިއްޔާކަމަށް އެންމެ ރަނގަޅުކަމަށް ފެނިލައްވާ ބޭފުޅަކު ހިޔާރުކުރައްވާ ވޯޓްލެއްވުމަށް ވިދާޅުވަމުންގެންދަވައެވެ. ޢުމަރު ރައްޔިތުންގެ ކިބައިން އެދިވަޑައިގަންނަވަނީ މިފަހަރުގެ ރިޔާސީ ވޯޓް ވިއްކަވާ ނުލެއްވުމަށެވެ. ރިޔާސީ ވޯޓް ވިއްކަވާލެއްވުމަކީ ދިވެހި ޤައުމަށާއި ރައްޔިތުންނަށް ޚިޔާނަތްތެރިވުންކަމުގައިވެސް ވިދާޅުވެއެވެ.
ޢުމަރުގެ ވާހަކަފުޅުތަކުގައި އެމަނިކުފާނު މެނިފެސްޓޯގައި ކުރައްވަން ކަނޑައެޅިފައިވާ ކަންތައްތަކަކީ ކަނޑައެޅިފައިވާ މުއްދަތުތަކުގައި ނުކުރެއްވޭވަރުގެ ކަންތައްތަކެއް ނޫންކަމަށާއި، އެކަމެއް ކުރައްވާނެ ގޮތަކާއި ބެހޭގޮތުން ރައްޔިތުންކުރައްވާ ކޮންމެ ސުވާލަކަށްވެސް ވަރަށް ސާބިތުކަމާއި އެކު ޖަވާބުދާރީވެވަޑައިގަންނަވަމުންގެންދަވައެވެ.
ހަތްދިހަފަސް ހާހަށް ވުރެގިނަ އާބާދީއެއް ހިމެނޭ މާލޭއިން އުތުރުގެ މީހުން ދިރިއުޅޭ ހުރިހާ ރަށަކަށް އައި.ޑީ.ޕީގެ ރިޔާސީ ކެންޑިޑޭޓް ކުރައްވަމުން މިގެންދަވާ ދަތުރުފުޅަކީ ވަރަށް ފުރިހަމައަށް ރޭވި، ކަނޑައެޅިފައިވާ ޝެޑިއުލެއްގެ ދަށުން ކުރައްވާ ދަތުރުފުޅެކެވެ. މިދަތުރުފުޅުގައި އައި.ޑީ.ޕީގެ ރިޔާސީ ކެންޑިޑޭޓާއި ވަފުދު ކޮންމެ ރަށަކަށް ވަޑައިގަތުމުގެ ކުރިން އައި.ޑީ.ޕީ މެމްބަރުންގެ 10 ބޭފުޅުން ހިމެނޭ އެޑްވާންސް ޓީމެއް އައި.ޑީ.ޕީގެ ރިޔާސީ ކެންޑިޑޭޓް ޢުމަރު ނަޞީރު ތައާރަފްކުރުމުގެ ގޮތުން ކެންޑިޑޭޓްގެ ޕޯސްޓަރާއި، މެނިސްފެސްޓޯއާއި، ބެޖާއި ތޮފި، އަދި ސްޓިކާފަދަ ތަކެތި ފޯރުކޮށްދެއެވެ.
އައި.ޑީ.ޕީގެ ރިޔާސީ ކެންޑިޑޭޓް ޢުމަރު ނަޞީރު ރައްޔިތުންނާއި ބައްދަލުކުރައްވާ ސަލާމްކުރައްވާ ވާހަކަފުޅުދައްކަވާ، ސުވާލުތަކަށް ޖަވާބުދެއްވާ، ވަޑައިގަންނަވަމުންގެންދަވަނީ ހޮޅުއަށިތަކުންނާއި، މަގުމަތިންނާއި، ގޯތިގެދޮރާއި، ޖޯލިފަތިތަކާއި، މިނޫންވެސް އާންމު މައިދާންތަކުގައެވެ.

ޢުމަރު ޒިޔާރަތްކުރައްވާ ރަށްތަކުގައި ދޮރުން ދޮރަށް ވަޑައިގަންނަވާވަނީ އައި.ޑީ.ޕީގެ މިވަފުދުގެ ޒިޔާރަތަށް ރަށުގައި ތައްޔާރުކުރެވިފައިވާ ޕިކަޕުގެ ކުރީގައި ހުންނަވައިގެންނެވެ. މިޕިކަޕަކީ ޤައުމީ ލަވާއާއި އެކު މިޒިޔާރަތުގެ މަޤްޞަދު ރައްޔިތުން ފޯރުކޮށްދޭ ޕިކަޕެވެ. މަގުމަތިންނާއި، ގޭގޭގެ ދޮރާށިމަތިން ބައްދަލުވާ އަންހެން އަދި ފިރިހެން ކުދިބޮޑު އެންމެނާއި، ހިނިތުންވުމާއި އެކު ވާހަކަދައްކަވާ ސަލާމްކުރައްވައެވެ.
ދަތުރުފުޅުގައި ރައްޔިތުންގެ ފަރާތުން ލިބެމުންދާ ތަރުޙީބުގެ އެންމެ ބޮޑު ސިއްރަކީ މާތްވެގެންވާ އިސްލާމްދީން ނޫން އެހެން ދީނަކަށް ޖާގައެއްނެތްކަމަށް މެނިފެސްޓޯގައި ވިދާޅުވެފައިވުމާއި، މިކަން މިގޮތަށް އޮންނާނެކަމުގެ ޔާގީންކަންދެއްވުމާއި، ޑްރަގާއި ބެހޭގޮތުން ވިދާޅުވެފައިވާ ވިދާޅުވުންތަކަށް ރައްޔިތުން ތާޢީދުކުރަމާއި، މެނިފެސްޓޯގައި ހިމަނުއްވާފައިވާ ކަންތައްތަކާއި ބެހޭގޮތުން ރައްޔިތުން ކުރައްވާ ކޮންމެ ސުވާލަކަށް ރައްޔިތުންނަށް އޮޅުންފިލާނެހެން ޢުމަރު ޖަވާބުދާރީވެވަޑައިގަންނަވަމުންގެންދަވާތީވެ، ޢުމަރުގެ ޖަވާބުތަކަކީ ހިތްޕުޅުގެ އެންމެ އަޑިން ތެދުބަހުން ދެއްވާ ޖަވާބުތައްކަމުގައި ރައްޔިތުންނަށް ޤަބޫލުކުރެވޭތީއެވެ.
އައި.ޑީ.ޕީގެ ރިޔާސީ ކެންޑިޑޭޓް މާލެއިން އުތުރުގެ މީހުން އުޅޭ ހުރިހާ ރަށަކަށް ޒިޔާރަތްކުރެއްވުމަށް 24 ދުވަހަށް ކަނޑައަޅުއްވާފައިވާ ޕްރޮގްރާމްގެ ދަށުން ކުރިއަށްދާނަމަ މިދަތުރު ނިންމަވާފަ މާލެވަޑަގަންނަވާނީ އޭޕްރިލްމަހުގެ 1 ވަނަ ދުވަހު އއ. ރަސްދޫއަށް ވަޑައިގަތުމަށްފަހުގައެވެ. އަދި ސުވާލުތަކަށް ޖަވާބުދެއްވައެވެ.
އައި.ޑީ.ޕީގެ ރިޔާސީ ކެންޑިޑޭޓް ޢުމަރު ނަޞީރުގެ ތާރީހީ ދަތުރުފުޅު ފެއްޓެވީ 2008 މާރޗް 9 ވަނަދުވަހު މާލެއިން ހިންމަފުއްޓަށް ކުރެއްވި ދަތުރުފުޅުންނެވެ. ޢުމަރު ރައީސްކަމަށް ވަޑަގެންފިނަމަ ހިއްމަފުއްޓަށްކުރެއްވި ދަތުރުފުޅުގެ ތާރީޚް ހިންމަފުށީގެ ތާރީޚްގައި އަގުހުރިދުވަހަކަށްވެގެންދާނެއެވެ. އަދި މާލެ އަތޮޅުގެ ތާރީހްގައިވެސް ފާހަގަކުރެވިގެންދާނެއެވެ.
ޢުމަރުގެ މިދަތުރުފުޅުގައި ދުވާލަކު 4 ރަށަށް ވަޑައިގަންނަވަމުން ގެންދަވައެވެ. އެވްރެޖްކޮށް ކޮންމެ ރަށެއްގައި 3 ގަޑިއިރު ހޭދަކުރައްވައެވެ. މިއަދާއި ހަމައަށް 27 ރަށަށްވަނީ ޒިޔާރަތްކުރައްވާފައެވެ.
އައި.ޑީ.ޕީގެ ރިޔާސީ ކެންޑިޑޭޓްގެ އަރިހުގައި ދަތުރުކުރައްވާ ވަފުދުގައި ޕާޓީގެ ނައިބުރައީސް މުޙައްމަދު ހަސަންމަނިކާއި، ޤައުމީ މަޖިލިސްގެ މެމްބަރުންނާއި، ޕާޓީގެ ސަރަހައްދުތަކުގެ ރައީސުންނާއި، ނައިބުރައީސުންގެ އިތުރުން އަމީން ޢާންމު އަބްދުﷲ ވަޙީދު ހިމެނިލައްވައެވެ. އަދި ޕާޓީގެ ލޮބުވެތި މެމްބަރުންގެ ތެރެއިން އެކި ރަށްރަށަށް ނިސްބަތްވާ ބޭފުޅުންވެސް ހިމެނިލައްވައެވެ.
އައި.ޑީ.ޕީގެ ރައީސް އަދި އައި.ޑީ.ޕީގެ ރިޔާސީ ކެންޑިޑޭޓް މިދަތުރުފުޅުގައި ފުރާވަޑައިގަތުމުގެ އެއްދުވަސްކުރިން ދަތުރާއި ބެހޭގޮތުން މައުލޫމާތު ދިނުމުގެ ގޮތުން ދަރުބާރުގޭ 25 ގައި 2008 މާރޗް 8 ވަނަ ދުވަހު 9 ން 11 އަށް ނޫސްކޮފަރެންސެއްބޭއްވެވިއެވެ. މިނޫސްކޮންފަރެންސް އައި.ޑީ.ޕީއިން ސްޕޮންސަރކޮށްގެން ވަގުތުން ދިއެފް އެމް 92.2 ދުރަށްފޮނުވިއެވެ.

މިހާރު އުމަރު ނަޞީރު ހުނެނެވީ ކ. ގާފަރުގައި

ކ.ގާފަރަށް އުމަރު ނަސީރު އާއި އައި.ޑީ.ޕީގެ ވަފްދު އަށް ދެވުނީ 09:59 ގައެވެ. މިހާރު އުމަރު ނަސީރު ގާފަރުގެ ރައްޔިތުންގެ ހާލު އަހުވާލު ބެއްލެވުމަށްޓަކައި ދަނީ އެރަށުގެ މަގުތަކުގައި ހިނގަމުން އަދި ރަށު ރައްޔިތުންނާއި ބައްދަލުކުރަމުންނެވެ. އަދިގާފަރުގެ މިސްކިތް، ސްކޫލް، ރަށު އޮފީހާއި، ހޮސްޕިޓަލް / ސިއްހީ މަރުކަޒަށް ޒިޔާރަތް ކުރާނެ ކަމަށް އައި.ޑީ.ޕީގެ ގޮވެލި ނޫހުގެ މުރާސިލް މައުލޫމާތު ދެއްވާފައިވެއެވެ.

މިއަދު (10.03.08) ހެދުނު 08:44 ގައި އައި.ޑީ.ޕީގެ ވަފްދު އާއި އެކު އުމަރު ނަސީރު ކ.ގާފަރަށް ދިއުމަށް ދަތުރު ފަށްޓަވައިފި

08:44 ގައި ކ.ދިއްފުށިން އައި.ޑީ.ޕީގެ ވަފްދު އާއި އެކު އުމަރު ނަސީރު ކ.ގާފަރަށް ދިއުމަށް ދަތުރު ފަށްޓަވައިފިއެވެ.

އައި.ޑީ.ޕީގެ ރައީސް މިހާރު ހުންނެވީ ކ.ތުލުސްދޫގައެވެ.

އިސްލާމިކް ޑިމޮކްރެޓިކް ޕާޓީގެ ރައީސް އަދި ރިޔާސީ ކެންޑިޑޭޓް ދިވެހިރާއްޖޭގެ މީހުން ދިރިއުޅޭ ހުރިހާ ރަށަކަށް ދެނެގަތުމާއި، ތައާރަފްވުމުގެ ގޮތުން ރާއްޖޭގެ އުތުރުގެ 98 ރަށަކަށް ކުރައްވަމުން ގެންދަވާ ޒިޔާރަތުގައި މިހާރު ހުންނެވީ ކ. ތުލުސްދޫގައެވެ. އައި.ޑީ.ޕީގެ ވަފުދު ކ. ތުލުސްދޫ އަށް ވަޑައިގަތީ މިއަދު މެންދުރު ފަހު 2:00 ގައެވެ. މިޒިޔާރަތުގައި އެންމެ ފުރަތަމަ އޮތީ އައި.ޑީ.ޕީ ގެ ރިޔާސީ ކެންޑިޑޭޓް އަލްފާޟިލް އުމަރު ނަޞީރުގެ ސިޔާސަތާއި މެނިފެސްޓޯގައި ހިމެނިފައިވާ ކަންކަމާއި ސިޔާސަތު ތަކާއި ބެހޭގޮތުން ރައްޔިތުން ކުރައްވާ ސުވާލުތަކަށް ޖަވާބުދިނުމެވެ. މިގޮތުން މައިގަނޑު ގޮތެއްގައި ތުލުސްދޫގެ ރައްޔިތުން ކުރައްވާފައިވަނީ މަސްތުވާތަކެތި އެތެރެކުރާ މީހުންނަށް މަރުގެ އަދަބު ދިނުމާއި، އަތޮޅުތަކާއި، ރަށްތަށް ހިންގާނެ ގޮތާއި، އިސްލާމްދީން ހިމާޔަތްކުރުމުގެ މައްޗަށެެވެ. މިގޮތުން މިވަގުތު މިވަފުދާއި އެކު ހަރަކާތްތެރިވަމުންދާ ގޮވެލި ނޫހުގެ މުރާސިލް ހާމަކުރެއްވިގޮތުގައި، މަސްތުވާތަކެތީގެ މައްސަލައަކީ މިވަގުތު ޤައުމަށް ދިމާވެފައިވާ އެންމެ ބޮޑު މައްސަލަކަމަށް ތުލުސްދޫގެ ރައްޔިތުން ފާހަގަކުރެއްވިއެވެ. އަދި އުމަރު ނަޞީރުގެ ރިޔާސީ މެނިފެސްޓޯގައި ބަޔާންކޮށްފައިވާ މަސްތުވާތަކެތި ރާއްޖެއަށް އެތެރެކުރާ މީހުންނަށް "މަރުގެ" އަދަބު ދިނުމާއި، ބޭނުނުންކުރާ މީހުންނަށް ފަރުވާދިނުމާއި ބެހޭގޮތުން ވެސް ސުވާލުކުރެވުނެވެ.

ކ.ތުލުސްދޫ ރައްޔިތުންގެ ސުވާލުތަކަށް އައި.ޑީ.ޕީގެ ރިޔާސީ ކެންޑިޑޭޓް ޖަވާބުދެއްވައިފި ...

އިސްލާމިކް ޑިމޮކްރެޓިކް ޕާޓީގެ ރައީސް އަދި ރިޔާސީ ކެންޑިޑޭޓް ދިވެހިރާއްޖޭގެ މީހުން ދިރިއުޅޭ ހުރިހާ ރަށަކަށް ދެނެގަތުމާއި، ތައާރަފްވުމުގެ ގޮތުން ރާއްޖޭގެ އުތުރުގެ 98 ރަށަކަށް ކުރައްވަމުން ގެންދަވާ ޒިޔާރަތުގައި މިހާރު ހުންނެވީ ކ. ތުލުސްދޫގައެވެ. އައި.ޑީ.ޕީގެ ވަފުދު ކ. ތުލުސްދޫ އަށް ވަޑައިގަތީ މިއަދު މެންދުރު ފަހު 2:00 ގައެވެ. މިޒިޔާރަތުގައި އެންމެ ފުރަތަމަ އޮތީ އައި.ޑީ.ޕީ ގެ ރިޔާސީ ކެންޑިޑޭޓް އަލްފާޟިލް އުމަރު ނަޞީރުގެ ސިޔާސަތާއި މެނިފެސްޓޯގައި ހިމެނިފައިވާ ކަންކަމާއި ސިޔާސަތު ތަކާއި ބެހޭގޮތުން ރައްޔިތުން ކުރައްވާ ސުވާލުތަކަށް ޖަވާބުދިނުމެވެ. މިގޮތުން މައިގަނޑު ގޮތެއްގައި ތުލުސްދޫގެ ރައްޔިތުން ކުރައްވާފައިވަނީ މަސްތުވާތަކެތި އެތެރެކުރާ މީހުންނަށް މަރުގެ އަދަބު ދިނުމާއި، އަތޮޅުތަކާއި، ރަށްތަށް ހިންގާނެ ގޮތާއި، އިސްލާމްދީން ހިމާޔަތްކުރުމުގެ މައްޗަށެެވެ. މިގޮތުން މިވަގުތު މިވަފުދާއި އެކު ހަރަކާތްތެރިވަމުންދާ ގޮވެލި ނޫހުގެ މުރާސިލް ހާމަކުރެއްވިގޮތުގައި، މަސްތުވާތަކެތީގެ މައްސަލައަކީ މިވަގުތު ޤައުމަށް ދިމާވެފައިވާ އެންމެ ބޮޑު މައްސަލަކަމަށް ތުލުސްދޫގެ ރައްޔިތުން ފާހަގަކުރެއްވިއެވެ. އަދި އުމަރު ނަޞީރުގެ ރިޔާސީ މެނިފެސްޓޯގައި ބަޔާންކޮށްފައިވާ މަސްތުވާތަކެތި ރާއްޖެއަށް އެތެރެކުރާ މީހުންނަށް "މަރުގެ" އަދަބު ދިނުމާއި، ބޭނުނުންކުރާ މީހުންނަށް ފަރުވާދިނުމާއި ބެހޭގޮތުން ވެސް ސުވާލުކުރެވުނެވެ.

މިދެންނެވި ސުވާލުތަކަށް ޖަވާބުދެއްވަމުން އުމަރު ނަޞީރު ވިދާޅުވެފައިވަނީ " އަޅުގަނޑު ވަރަށް ސާބިތުކަމާއި ހިތްވަރާއި ކެރުމާއި އެކު މިދަންނަވަނީ މަސްތުވާތަކެތި ރާއްޖެ އެތެރެކުރާ މީހުންނަށް އައި.ޑީ.ޕީގެ ސަރުކާރެއްގައި ދޭނީ މަރުގެ އަދަބު، އަދި މަސްތުވާ ތަކެތި ވިއްކާ، މީހުން އެންމެ މަދުވެގެން 10 އަހަރު ދުވަހު ޖަލުގައި ހޭދަކުރަންޖެހޭނެ، އަދި އެފަދަ މީހުންގެ މުދާ ސަރުކާރަށް ހިފާ އެމުދާ ވިއްކައިގެން ލިބޭ ފައިސާއިން ރެހިބިލިޓޭޝަނަށް ހަރަދުކުރެވޭނެ، އަދި މަސްތުވާ ތަކެތި ބޭނުންކުރާ މީހުން ރުހުނަސް އަދި ނުރުހުނަސް އެބައިމީހުންނަށް ރެހިބިލިޓޭޝަން މަޖުބޫރުވާނެ." މިއީ އަޅުގަނޑު މިދަންނަވާ ވާހަކަ އަކީ އަދި މިނޫން ގޮތަކަށް މިއަދު ދިމާވެފައިމިވާ މަސްތުވާ ތަކެތީގެ ނުރައްކާ ހައްލުކުރެވޭނެ އެއްވެސް ގޮތެއް ނޯންނާނެ. ފަރުވާ އިތުރުކުރެވިދާނެ، ޖަލުތަކުގެ ޖާގަވެސް އިތުރުކުރެވިދާނެ، އެކަމަކު ދައުލަތުން ދުވަހުން ދުވަހަށް ކުރަންޖެހޭ ހޭދަ ދާނީ ބޮޑުވަމުން އިތުރުވަމުން. އެހެންކަމުން އައި.ޑީ.ޕީގެ ވެރިކަމެއްގައި އަޅުގަނޑު މިހާމަކުރި ސިޔާސަތު ތަންފީޒުކުރުމަށް ފަސްނުޖެހޭނެކަން ސާބިތުކަމާއި އެކު ދަންނަވަން."

އެއަށްފަހު ދެން ހުށަހެޅުނީ ރާއްޖޭގެ އަތޮޅުތަކާއި ރަށްތަށް ހިންގުމާއި ބެހޭގޮތުންނެވެ. މިގޮތުން އުމަރު ނަޞީރު ރާއްޖޭގެ ވެރިކަމަށް އަތުވެއްޖެނަމަ އަތޮޅުތަކާއި ރަށްތައް ހިންގާނީ މިހާރުވެސް ހިންގާ އުސޫލުންތޯ ސުވާލުކުރެވުނެވެ. މިސުވާލަށް ޖަވާބުދެއްވަމުން އުމަރު ނަޞީރު ވިދާޅުވެފައިވަނީ، އައި.ޑީ.ޕީ ގެ ވެރިކަމެއްގައި ރާއްޖޭގެ ރަށްތަކައި އަތޮޅުތަށް ހިންގާނީ ލާމަރުކަޒީ އުސޫލުން، މިހާރު އިސްލާހުކުރެވެމުންދާ ޤާނޫނު އަސާސީގައިވާ ގޮތަށް ރައްޔިތުން އިންތިޙާބުކުރާ ބަޔަކު އެރަށެއްގެ ރަށުކައުންސިލާ އަދި އަތޮޅު ކައުންސިލާއި އަދި އެތޮޅުތައް ހިންގުމުގައި ވެސް ތިބޭނެ ގޮތަކަށެވެ. މިގޮތުން އައި،ޑީ،ޕީގެ ސަރުކާރެއްގައި ލޯކަލް ގަވަރނަންސް ޤާއިމްކުރެވޭނެކަމަށެވެ.

ދެން ހުށަހެޅުނު މައިގަނޑު އަނެއް ސުވާލަކީ އިސްލާމްދީން ހިމާޔަތްކުރުމާއި ބެހޭގޮތުންނެވެ. މިގިތުން ތުލުސްދޫގެ ރައްޔިތުން ކުރެއްވި ސުވާލުގައި އުމަރު ނަޞީރުގެ ސަރުކާރެއްގައި އިސްލާމްދީން ނޫން އެހެން ދީނެއް އައުމުގެ ފުރުޞަތު އޮންނާނެތޯ ސުވާލުކުރެވުނެވެ. މިސުވާލަށް ޖަވާބުދެއްވަމުން އުމަރު ނަޞީރު ވިދާޅުވެފައިވަނީ އައި.ޑީ.ޕީގެ މަޤުޞަދަކީވެސް މިޤައުމަށް އިސްލާމްދީން ނޫން އެހެން ދީނެއް އަޔަނުދިނުންކަމުގައެވެ. މިގޮތުން މިރާއްޖޭގައި އިސްލާމްދީން ނޫން އެހެން އެއްވެސް ދީނަކަށް އެއްވެސް ފުރުޞަތެއް ނުދެއްވާނެކަމަށްވެސް ވިދާޅުވިއެވެ. އަދި ދީން ހިމާޔަތްކުރަމަށްޓަކައި އަޅަންޖެހުނު ކޮންމެ ފިޔަވަޅެއްވެސް އަޅުއްވަން ތައްޔާރަށް ހުންނެވިކަމަށް ވިދާޅުވިއެވެ. އައި،ޑީ.ޕީ ސަރުކާރެއްގައި ރައްޔިތުންނަށް ދީނުގައި އޮންނަ ރަނގަޅު މަގު އަންގައިދިނުމަށް ފުޅާދާއިރާއެއްގައި މަސައްކަތްކުރެވޭނެކަމަށްވެސް ވިދާޅުވިއެވެ.

ރައްޔިތުންގެ ސުވާލުތަކަށް ޖަވާބު ދާރީ ވުމަށްފަހު ދެންވަޑައިގަތީ ރަށުގެ މަގުތަކުގައި ހިންގަވާ ރައްޔިތުންގެ ހާލު އަހުވާލު އޮޅުންފިލުވާ ، ތަޢާރަފްވެ ދެނެގަތުމުގެ ގޮތުން ގޭގެއަށް ޒިޔާރަތްކުރުމަށެވެ. މިކަންތައްތަކަށްފަހު ދެން ވަޑައިގަތީ ކ. ތުލުސްދޫގައި ސުނާމީގެ ސަބަބުން ގެދޮރު ގެއްލިގެން ބަދަލުވެފައިވާ ދ. ރިނބިދޫ ރައްޔިތުންނާއި ބައްދަލުކުރަމަށްޓަކައި އެބޭފުޅުން އުޅުއްވާ ޓެންޓްތަކަށެވެ.

މިދަތުރުފުޅުގައި ދެން އައި.ޑީ.ޕީގެ ވަފުދުގެ ބޭފުޅުން ވަޑައިގަންނަވާނީ ކ. ދިއްފުއްޓަށެވެ. ދިއްފުއްޓަށް ދެވޭނެކަމަށް ލަފާކުރެވޭ ގަޑިއަކީ މިއަދު ހަވީރު 5.00 ގައެވެ. މިފުރުޞަތުގައި ކ. ތުލުސްދޫގެ ރައްޔިތުން ދެއްވި އެއްބާރުލެއްވުމާއި މެހުމާންދާރީ އަށްޓަކައި އައި،ޑީ،ޕީގެ އެންމެހައި މެމްބަރުންނާއި، ޕާޓީ ރަޢީސް އަލްފާޟިލް އުމަރު ނަޞީރު އިޚްލާސްތެރިކަމާއި އެކު ޝުކުރުދަންނަވައެވެ. ކ. ތުލުސްދޫއަށް ކުރައްވަމުން ގެންދަވާ ޒިޔާރަތް ނިންމަވާލެއްވުމަށްފަހު ދެން ވަޑައިގަންނަވާ ދިއްފުއްޓަކީ އައި.ޑީ.ޕީ ގެ ވަފުދު މިދަތުރުގައި މިއަދު 09 މާރޗް 2008 އާދީއްތަ ދުވަހު ވަޑައިގަންނަވާނެ އެންމެ ފަހު މަންޒިލެވެ. އައި،ޑީ.ޕީގެ ވަފުދު މިރޭ މަޑުކުރައްވާނީ ކ. ދިއްފުށީގައެވެ.

އައި.ޑީ.ޕީގެ ރިޔާސީ ކެންޑިޑޭޓް ރައްޔިތުންނަށް ތަޢާރަފްވުމުގެ ދަތުރުގައި މިހާރު އުޅުއްވަނީ ކ. ހުރާގައި ..

އިސްލާމިކް ޑިމޮކްރެޓިކް ޕާޓީގެ ރައީސް އަލްފާޟިލް އުމަރު ނަޞީރު މިހާރު ވަޑައިގެން އުޅުއްވަނީ ކ. ހުރާގައެވެ. މިދަތުރުފުޅުގައި ހުރާ އަކީ ދެވަނަ މަންޒިލެވެ. ކ. ހުރާގައި ގޮވެލި ނޫހުގެ މުރާސިލް މައުލޫމާތު ދެއްވާގޮތުގައި މިހާރު އައި.ޑީ.ޕީ ގެ ވަފުދު ގެންދަވަނީ ރަށުގެ މުޙިއްމު ތަންތަނަށް ޒިޔާރަތްކޮށް އަދި ހަމަޖެހިފައިވާ އުސޫލުން ރަށުގެ މަގުތަކުގައި ރައްޔިތުންނާއި ބައްދަލުކުރުމާއި، އަދި އާންމު ބައެއް ތަންތާގައި ތަގްރީރުކުރެއްވުމާއި، ރައްޔިތުން އަލްފާޟިލް އުމަރު ނަޞީރުގެ މެނިފެސްޓޯގައި ހުރި ކަންތައްތަކާއި، އަދި އެމަނިކުފާނުގެ ސިޔާސަތު ތަކާއި ބެހޭ ގޮތުން ކުރައްވާ ސުވާލުތަކަށް ޖަވާބުދެއްވުމެވެ. މިދަތުރުފުޅުގައި ކ. ހުރާގެ ރައްޔިތުން ވިދާޅުވި މަރުޙަބާ އާއި ބެހެއްޓެވި މެހުމާންދާރީއަށްޓަކައިއަދި ދެއްކެވި ރިވެތި ނަމޫނާއަށް ޕާޓީގެ ހުރިހާ މެމްބަރުންނާއި އަދި ޤައުމީ މަޖިލީހާއި، ޕާޓީގެ ރައީސް އަލްފާޟިލް އުމަރު ނަޞީރު ޝުކުރުދަންނަވައެވެ. ކ. ހުރާއިން އައި.ޑީ.ޕީގެ ވަފުދު ދިއުމަށް ހަމަޖެހިފައިވަނީ ތުލުސްދޫއަށެވެ. ތުލުސްދޫއަށް ދެވޭނެކަމަށް ލަފާކުރެވެނީ މިއަދު މެންދުރު ފަހު 2:00

އައި.ޑީ.ޕީ ގެ ވަފުދު ކ. ހުރައަށް މިއަދު 11 ޖަހާއިރު ދެވޭނެކަމަށް ލަފާކުރެވޭ.. ކ.ހިންމަފުށިން އެކަށީގެންވާ ރަނގަޅު ތަރުޙީބެއް ލިބެމުން އެބަދޭ..

އައި.ޑީ.ޕީ ގެ ރިޔާސީ ކެންޑިޑޭޓް އަލްފާޟިލް އުމަރު ނަޞީރު އުތުރުގެ އަތޮޅުތަކަށް ތައާރަފްވުމާއި ދެނެގަތުމުގެ ގޮތުން ކުރައްވަމުންގެންދަވާ ދަތުރުފުޅުގައި މިހާރު ހުންނެވީ ކ. ހިންމަފުށީގައެވެ. ކ. ހިންމަފުށިން އައި.ޑީ.ޕީގެ ގޮވެލި ނޫހުގެ މުރާސިލް މަޢުލޫމާތުދެއްވާ ގޮތުގައި ރައްޔިތުންގެ ތާއީދާއި އެއްބާރުލެއްވުން ވަރަށް ރަނގަޅަށް ލިބެމުންދާކަމަށެވެ. އަދި ހިންމަފުށީގެ ރައްޔިތުން އައި.ޑީ.ޕީގެ ރިޔާސީ ކެންޑިޑޭޓަށް އަދި ވަފުދަށް ވަރަށް ހޫނު މަރުޙަބާ އެއް ކިޔާފައިވާ ކަމަށެވެ. އަދި މިދަތުރުފުޅުގެ ހިންމަފުށީގެ ސަރުކާރު މުއްސަސާތަކާއި، އަދިވެސް ބައެއް އެހެނިހެން މުޙިއްމު ތަންތަނަށް ޒިޔާރަތްކުރައްވާފައިވެއެވެ. އަދި ގިނަ އަދަދެއްގެ ރައްޔިތުންނާއި ބައްދަލުކޮށް ހާލު އަހުވާލު އޮޅުންފިލުއްވާ ތައާރަފް ވުމުގެ ގޮތުން ވާހަކަފުޅު ދައްކަވައިފައިވެއެވެ. އަދި ރައްޔިތުން ކުރެއްވި ސުވާލުތަކަށް ޖަވާބުދެއްވާފައިވެއެވެ. އައި.ޑީ.ޕީގެ ވަފުދު ހިންމަފުށިން ހުރައަށް ދިއުމަށް ފުރާނީ 10.45 ގައެވެ.

އައި.ޑީ.ޕީ ގެ ވަފުދު ހިއްމަފުއްޓަށް ލަފައިފި....

އިސްލާމިކް ޑިމޮކްރެޓިކް ޕާޓީގެ ވަފުދު މިހާރު ތިއްބެވީ ކ. ހިންމަފުށީގައެވެ. ކުރިން ލަފާކުރެވިފައިވާ ގޮތާއި ހިލާފަށް ހިންމަފުއްޓަށް ދެވިފައިވަނީ ހެނދުނު 10.00 ގައެވެ. ކަނޑައެޅިފައިވާ ގޮތަށް މިހާރު އައި.ޑީ.ޕީގެ ރިޔާސީ ކެންޑިޑޭޓް ތައާރަފުވުމުގެ ގޮތުން ހިއްމަފުށީ މަގުތަކުގާއި އެކަން އިއުލާންކުރެވިފައިވެއެވެ. އަދި ބައެއް އާންމު މައިދާންތަކުގައި ޕާޓީގެ ރިޔާސީ ކެންޑިޑޭޓް އަލްފާޟިލް އުމަރު ނަޞީރު ތަގުރީރުކުރައްވާނެއެވެ.

އުތުރުގެ އަތޮޅުތަކަށް ކުރެއްވުމަށް ހަމަޖެހިފައިވާ ދަތުރުފުޅު ފައްޓަވައިފި

އިސްލާމިކް ޑޮމޮކްރަޓިކް ޕާޓީގެ ރައީސް އަލްފާޟިލް ޢުމަރު ނަޞީރު އުތުރުގެ އަތޮޅުތަކުގެ ރައްޔިތުންނަށް ތަޢާރަފްވުމާއި، ދެނެގަތުމުގެ ގޮތުން ކުރެއްވުމަށް ހަމަޖެހިފައިވާ ދަތުރުފުޅު ފައްޓަވައިއެވެ. މިގޮތުން އެންމެ ފުރަތަމަ ވަޑައިގަންނަވާނީ ކ. ހިންމަފުއްޓަށެވެ.

ހާމަ ނޫހުން އައި.ޑީ.ޕީ ގެ ޑްރަގް ސިޔާސަތު ރައްޔިތުންނަށް އޮޅުވާލަން މަސައްކަތް ކުރަނީ

2008 މާރޗް 8 ވަނަ ދުވަހުގެ ހާމަ ނޫހުގައި "މަގުމަތީގައި މަސްތުވާތަކެތި ވިއްކާ މީހުންގެ ގެދޮރު ވިއްކާލާނެކަމަށް އުމަރު ނަސީރު ވިދާޅުވެއްޖެ

މިސުރުހީގެ ދަށުން ލިޔެފައިވާ އާޓިކަލްގައި "މަސްތުވާތެކެތި ވިއްކާ މީހުންނަށް މަރުގެ އަދަބު ދޭނޭކަމަށް ޢުމަރު މީގެކުރިންވެސް ވިދާޅުވެފައިވާ ކަމަށް ލިޔެފައި އެވަނީ މިނިވަން ނޫސް ވެރިކަމެއްގެ ހަމަ ތަކާއި އުސޫލް ތަކާއި ޚިލާފަށްކަން ފާހަގަ ކުރަމެވެ. މީގެ ކުރިންވެސް ހާމަ ދުވަހު ނޫހުގައި ރައްޔިތުންނަށް އޮޅުން އަރާ ފަދަ ގޮތަކަށް މި ޕާޓީން ގެންގުޅޭ މަސްތުވާ ތަަކެއްޗާއި ބެހޭ ސިޔާސަތާ ބެހޭ މައުލޫމާތު ރަގަޅަށް އޮޅުން ނުފިލުވާ ހާމަކުރުމުން އެކަންވާނީ ހާމަ ދުވަހު ނޫހުގެ އެޑިޓަރަށް ދަންނަވާފައެވެ.

ތަފާތު އެތައް މުނާސަބުތުގައި މިޕާޓީގެ ރައީސް ވިދާޅުވެފައި ވާނީ ރާއްޖެއަށް މަސްތުވާ ތަކެތި އެތެރެ ކުރާ ފަރާތްތަކަށް މަރުގެ އަދަބު ދޭނެ ވާހަަކަ އެވެ. އަދި މިސިޔާސަތު މިއަދު 2008 މާރޗް 08 ވަނަ ދުވަހު ދަރުބާރުގޭ 25 ގައި ބޭއްވި ނޫސް ކޮންފަރެންސްގައިވެސް ވަނީ ނޫސް ވެރިންނަަށް ސާފުކޮށް ދެއްވާފައެވެ. މިބައްދަލުވުމަށް ހާމަ ނޫހުގެ ރިޕޯޓަރުންވެސް ވަޑައިގެންނެވި ކަން ފާހަގަ ކޮށްލަމެވެ.

އެހެން ކަމުންތަކުރާރުކޮށް މިޕާޓީގެ ސިޔާސަތުތައް ރައްޔިތުންނަށް އޮޅުން އަރާ ގޮތަށް ހާމަ ކުރަމުން ގެންދާ ގެންދިއުން ވަރަށް ހަރުކަށިކޮށް ކުއްވެރި ކުރަމެވެ.

މުހައްމަދު ހަސަން މަނިކު

ނައިބު ރައީސް

މަގުމަތީގައި މަސްތުވާތަކެތި ވިއްކާ މީހުންގެ ގެދޮރު ވިއްކާލާނެކަމަށް އުމަރު ނަސީރު ވިދާޅުވެއްޖެ

އައިޑީޕީގެސަރުކާރެއްގައި، މަގުމަތީގައި މަސްތުވާ ތަކެތި ވިއްކާ މީހުންގެ ގެދޮރު ސަރުކާރަށް ނަގައި ، އެބިންތައް ވިއްކައި އެއިން ލިބޭ ފައިސާ ހޭދަކުރަން ހަމަޖެހިފައިވަނީ މަސްތުވާތަކެތި ބޭނުންކުރާ ކުދިންގެ ރިހެބިލިޓޭޝަނަށް ކަމަށް އައިޑީޕީގެ ރިޔާސީ ކެންޑިޑޭޓް ޢުމަރު ނަޞީރު ވިދާޅުވެއްޖެއެވެ. ޢުމަރު މިހެން ވިދާޅުވީ، ދާރުބާރުގައި ހުންނަ "ފަންސަވީސް" ގައި ބޭއްވި ނޫސްވެރިންގެ ބައްދަލުވުމެއްގައި ނޫސްވެރިއަކު ކުރި ސުވާލަކަށްޖަވާބުދެއްވަމުންނެވެ.


އަމަލުވާ އެއްޗެތީގެ ސަބަބުން މުޅި ދިވެހިރާއްޖެ ހަލާކުގެ ތެރެއަށް ވެއްޓިފައިވާ ކަމަށާއި، ރާއްޖޭގެ ހުރިހާ ކަންކޮޅަކަށް މިވަބާ މިވަނީ ފެތުރިފައި ކަމަށް އުމަރު ވިދާޅުވިއެވެ. އަމަލުވާ އެއްޗެތީގެ ސަބަބުން ކުށްކުރުން ދުވަހެއް ދުވަހަކަށް އިތުރުވަމުންދާ ކަމަށާއި، ފާހިޝް އަމަލުތައް އިތުރުވެ، ޖަލުތައް ދަނީ ފުރެމުންކަމަށްވެސް ޢުމަރު ވިދާޅުވިއެވެ. ރާއްޖޭގައި ހިނގާ ކޮންމެ ނުބައިކަމަކާ އަމަލުވާ އެއްޗެއްސާ ވަނީ ގުޅިލާމެހިފައިކަމަށްވެސް އުމަރު ވިދާޅުވިއެވެ.


ދުނިޔޭގެ އެތަށް ޤައުމެއްގައި ޑްރަގް އެތެރެކުރާމީހުނަށް ދެވެނީ މަރުގެ އަދަބުކަން ޢުމަރު ފާހަގަކުރެއްވިއެވެ. އަމަލުވާ އެއްޗެތީގެ ވަބާ ދިވެހި ރާއްޖެއިން ފޮހެލައި، މިކަމުން ޤައުމު ސަލާމަތް ކުރުމަށްޓަކައި އައި.ޑީ.ޕީގެ ވެރިކަމެއްގައި ކުރާނީ ކޮންކަމެއްތޯ ނޫސްވެރިއަކު ކުރެއްވި ސުވާލެއްގެ ޖަވާބުގައި ޢުމަރު ވިދާޅުވީ " އައިޑީޕީގެ ވެރިކަމުގައި ރާއްޖެއަށް މަސްތުވާ ތަކެތި އެތެރެކުރާ މީހުންނަށް މަރުގެ އަދަބުދޭނެ. އެކަމަކު މިހާރު ރާއްޖޭން މިވަނީ އިންސާނީ ހައްގުތަކާބެހޭ މުއާހަދާއެއްގައި ސޮއިކޮށްފައި. އޭގަ އޮންނާނެ މަރުގެ އަދަބު ނުދެވޭނެކަމަށް. ނަމަވެސް އަޅުގަނޑު ވެރިކަމަށް އަރައި، އެމުއާހަދާއިން ވަކިވާނަން. ދެން މަސްތުވާ ތަކެތި ބެނުންކުރާ މީހުން ރުހުނަސް ނުރުހުނަށް ރިހެބިލިޓޭޝަންގެ ފަރުވާ ދެވޭނެ" ކަމަށެވެ.


ޢުމަރު ވަނީ އަމަލުވާ އެއްޗެތި ހުއްޓުވުމަށްޓަކައި ހަރުކަށި ފިޔަވަޅު ސާބިތުކަމާއެކު އަޅުއްވާނެކަމަށް ވިދާޅުވެފައެވެ. މީގެ އެންމެބޮޑު މިސާލަކީ ޑްރަގް އެތެރެކުރާމީހުންނަށް މަރުގެ އަދަބު ދޭނެކަމަށް ޢުމަރު ނިންމެވުމެވެ. އައިޑީޕީގެ ރިޔާސީ ކެންޑިޑޭޓް ޢުމަރު ނަޞީރު މެނިފެސްޓޯގައި މިކަމާ ބެހޭގޮތުން 11 ޕޮއިންޓެއް އެކުލަވާ ލަވާލާފައިވެއެވެ. އެއީ ޑްރަގް އެތެރެކުރާ މީހުންނަށް މަރުގެ އަދަބު ދިނުން، ޑްރަގް ވިއްކާ މީހުން މަދުވެެގެން 10 އަހަރު ޖަލަށް ލުމާއި އަދި އެމީހުންގެ ގެދޮރާއި މުދާ ސަރުކާރަށް ނެގުން، މުސްތަޤިއްލު ލެބޯޓްރީއަކުން ކުރާ ޓެސްޓަކުން މީހަކު ޑްރަގް ބޭނުންކޮށްގެން ހުރިކަމަށް ދައްކައިފިނަމަ ރުހުމުގައި ވިޔަސް ނުރުހުމުގައި ވިޔަސް ރިހެބިލިޓޭޝަންގެ ފަރުވާއަށް އެމީހަކު ދިއުމަށް މަޖުބޫރު ކުރުވުން، ފުލުހުންނާއި ކަސްޓަމްސްގެ މަސައްކަތުގައި ފުޅާ ދާއިރާއެއްގައި ކުއްތާ ބޭނުން ކުރުން، އަމަަލުވާ އެއްޗެއްސަށް ދެވިހިފުމުގެ ސަބަބުން މުޖްތަމަޢުގައި ނޫޅެވޭ ވަރަށް ހަލާކުވެގޮސް ޚާއްސައެހީއަށް ބޭނުންވާ މީހުން މުޖުތަމަޢުން އެކަހެރިކޮށް، އެމީހުންނަށް ޚާއްސަ ކުރެވިފައިވާ ވަކިރަށެއް ޤާއިމްކޮށް އަނބުރާ ނާދެވޭގޮތަށް އެރަށުގައި އެފަދަ މީހުން ބައިތިއްބައިގެން ބެލެހެއްޓުމާއި، ކަސްޓަމްސްގެ އަދި ފުލުހުންގެ ކޮންމެ މީހަކީ އަމަލުވާ އެއްޗެއްސާ ބެހޭ ދާއިރާއިން މަދުވެގެން 30 ގަޑިއިރުގެ ތަމްރީން ދެވޭމީހެއްކަމުގައި ވުމާއި، އަހަރަކު އެއްފަހަރު އިތުރު 6 ގަޑިއިރުގެ ރިފްރެޝަރ ތަމްރީން ދިނުން، ވަކިފޮށްޓަކީ ނުވަތަ ވަކި ފަރާތެއްގެ މުދަލަކީ ކުއްތާ ބޭނުންކޮށްގެން ފާސްނުކުރާ އެއްޗެއްކަމުގައި ވިޔަނުދިނުން އަދި ސަރުކާރުގެ ހުރިހާ ވެރިންގެ ފޮށިތަށްވެސް ބަލާފާސްކުރުން މަޖުބޫރު ކުރުން ހިމެނެއެވެ.


އަދި މީގެއިތުރުންވެސް ޑްރަގް ދެނެގަތުމަށްޓަކައި ދުނިޔޭގައި މިވަގުތު ބޭނުންކުރާ އެންމެމަތީ ފެންވަރުގެ ތަކެތި ފުލުހުން ނަށާއި ކަސްޓަމްސްއަށް ހޯދައިދިނުން އަދި ހަށިގަޑުގެ ތެރޭގައި ޑްރަގް ފޮރިވައިގެން ގެންނަ ފަރާތްތައް ދެނެގަންނަ ތަކެތި ރާއްޖޭގެ ހުރިހާ ބަނަދަރެއްގައި ޤާއިމް ކުރުމާއި، ނެޝަނަލް ނާކޮޓިކްސް ކޮންޓްރޯލް ބިއުރޯއަކީ ހަރުދަނާ ޚިދުމަތްތަކެއްދޭ ކަމާބެހޭ ދާއިރާއިން ތަޢުލީމް ހާސިލް ކުރައްވާފައިވާ ބޭފުޅުން އިސްވެރިންގެ ގޮތުގައި ތިއްބަވާ، ފަރުވާހޯދަންދާ މީހުންނާއި އެމީހުންގެ މައިންބަފައިންގެ އިތުބާރު ލިބިފައިވާ ތަނަކަށް ހެދުމާއި، އަދި ދުންފަތުގެ އިސްތިޢުމާލުކުރަން ފެށުމަކީ އަމަލު ވާއެއްޗެތި ބޭނުންކުރަން ފެށުމަށް ހުޅުވޭ ދޮރަކަށް ވާތީ، ކުޑަކުދިންް ދުންފަތުގެ އިސްތިޢުމާލުކުރުމުން ދުރުކުރުމަށްޓަކައި ކުޑަކުދިންނަށް ސިނގިރެޓް ވިއްކާ ފަރާތްތަށް ޖުރިމަނާ ކުރުންވެސް ހިމެނެއެވެ.


އުމަރު ވިދާޅުވީ މިހާތަނަށް ރިޔާސީ އިންތިޚާބަށް ކުރިމަތިލައްވާފައި ތިއްބެވި ބޭފުޅުން، މަސްތުވާތަކެތި އެތެރެކުރާ މީހުންނަށް "ހަރުކަށި އަދަބު" ދޭނެކަމަށް ވިދާޅުވެފައިވީނަމަވެސް އެއީ ކޮންކަހަލަ ހަރުކަށި އަދަބެއްކަމެއް ވިދާޅުނުވާކަމަށެވެ. ނަމަވެސް އައިޑީޕީއިން މިއޮތީ އައިޑީޕީގެ ސަރުކާރެއްގައި ދޭނެ ހަރުކަށި އަދަބު ސާބިތުކަމާއެކު ހާމަކޮށްފައިކަމަށް އުމަރު ވިދާޅުވިއެވެ.


މަސްތުވާތެކެތި އެތެރެކުރާ މީހުންނަށް މަރުގެ އަދަބު ދޭނޭކަމަށް ޢުމަރު މީގެކުރިންވެސް ވިދާޅުވެފައިވެއެވެ. އެފަހަރު އެެހެން ވިދާޅުވުމުން ސިޔާސީ އިދިކޮޅު ވަރަށްގިނަ ބަޔަކު ޢުމަރު ނަސީރަށް ފާޑުކިޔާފައިވެއެވެ. ލަފާކުރެވޭގޮތުގައި އިންސާނީ ޙައްޤުތަކާބެހޭ މުއާޙަދާއިން ވަކިވާނެކަމަށް ޢުމަރު ނަސީރު ވިދާޅުވި މައްސަލަ ވަރަށް ހޫނުވާނެއެވެ

އައި.ޑީ.ޕީގެ ރިޔާސީ ކެންޑިޑޭޓް އަލްފާޟިލް ޢުމަރު ނަޞީރު ރާއްޖޭގެ މީހުން ދިރިއުޅޭ ހުރިހާ ރަށަކަށް ކުރާ ތައާރަފްވުމާއި ދެނެގަތުމާއި ބެހޭ ދަތުރު

އިސްލާމިކް ޑިމޮކްރެޓިކް ޕާޓީގެ ރިޔާސީ ކެންޑިޑޭޓްރައީސް އަލްފާޟިލް އުމަރު ނަޞީރު ދިވެހިރާއްޖޭގެ މީހުން ދިރިއުޅޭ ހުރިހާ ރަށަކަށް ކުރުމަށް ހަމަޖެހިފައިވާ ތައާރަފްވުމާއި، ދެނެގަތުމުގެ ދަތުރާއި ބެހޭ މައުލޫމާތު ދިނުމަށްޓަކައި މިއަދު 08 މާރޗް 2008 ވަނަ ދުވަހު ހެނދުނު 10:10 ގައި ނޫސްކޮންފަރެންސެއް ބޭއްވިއްޖެއެވެ. މިނޫސްކޮންފަރެންސް ތަޢާރަފްކުރެއްވުމުގެ ގޮތުން ވާހަކަފުޅުދެއްކެވީ ޕާޓީގެ ނައިބުރައީސް އަލްފާޟިލް މުޙައްމަދު ހަސަންމަނިކެވެ.އަދި ތައާރަފަށް ފަހު މިދަތުރު ރޭވިފައިވާ ގޮތާއި ބެހޭގޮތުން ނޫސްވެރިންނަށް މައުލޫމާތު ދެއްވާފައިވެއެވެ. މިގޮތުން ނައިބުރައީސްގެ ވާހަކަފުޅުގައި މިދަތުރުގެ ބޭނުމަކީ ރާއްޖޭގެ މީހުން ދިރިއުޅޭ ހުރިހާ ރަށެއްގެ ރައްޔިތުންނާއި ބައްދަލުކޮށް ތާއާރަފްވުމާއި ދެނެގަތުމުގެ ދަތުރެއްކަމުގައެވެ. އަދި މިދަތުރުގައި އައި.ޑީ.ޕީ ގެ ވަފުދު އުޅުއްވާނީ އަދި ނިދިކުރައްވާނީވެސް އެރަށެއްގެ ރައްޔިތުން އުޅޭހާލެއްގައި ކަމަށެވެ. މިގޮތުން އަތިރިމަތީ ހޮޅުވަށީގައި ނިދަން ޖެހުނަސް އަދި މަދިރި ކޮށްޓެއްގައި ނިދަންޖެހުނަސް އެހާލަތެއްގައި އުޅޭނެކަމަށެވެ.

ދެން މިނޫސްކޮންފަރެންސްގައި ވާހަކަފުޅު ދެއްކެވީ ޕާޓީގެ ރައީސް އަދި ރިޔާސީ ކެންޑިޑޭޓް އަލްފާޟިލް އުމަރު ނަޞީރެެވެ. މިގޮތުން ރައީސްގެ ވާހަކަފުޅުގައި މިދަތުރަކީ މުޅިރާއްޖެއަށް ކުރަންހަމަޖެހިފައިވާ ދަތުރެއްކަމަށާއި، މިފަހަރު މިދަތުރުކުރަނީ ﷲ ގެ އިރާދަފުޅުން އުތުރުގެ 98 ރަށަކަށް އެރުމުގެ މަސައްކަތްކަމުގައިއެވެ. އަދި މިދަތުރުގައި ސިޔާސީ އެއްވެސް ފަރާތަކަށް އެންޓި ކެމްޕެއިން ނުޖައްސަވާނެކަމަށާއި، އައި،ޑީ،ޕީ އިން މަސައްކަތްކުރާނީ އައި.ޑީ.ޕީގެ ސިޔާސަތު ހާމަކުރުމަށްކަމަށެވެ. އަދި އެހެން ސިޔާސީ ބޭފުޅުންވެސް އެގޮތަށް އަމަލުކުރައްވާނެކަމަށް އުއްމީދުކުރައްވާ ކަމުގައިވެސް ވިދާޅުވިއެވެ. އަދި ހަމަ މިވާހަކާއިގައި ރާއްޖޭގެ ރައީސްކަމަށް ކުރިމަތިލާ މީހަކު ރާއްޖޭގެ މީހުން ދިރިއުޅޭ ހުރިހާ ރަށަކަށް ޒިޔާރަތްކޮށް ރައްޔިތުންގެ ހާލު އަހުވާލު އޮޅުންފިލުވުމަކީ ހަމަ ކޮންމެހެންވެސް ފުރިހަމަ ކުރައްވަންޖެހޭ ޝަރުތެއްކަމުގައި ޤަބޫލުކުރައްވާކަމަށްވެސް ވިދާޅުވިއެވެ. މިނޫސް ކޮންފަރެންސްގައި ނޫސްވެރިން އައި.ޑީ.ޕީ ގެ މެނިފެސްޓޯސިޔާސަތުތަކާއި ބެހޭގޮތުން ކުރެއްވި ތަފާތު ގިނަ ސުވާލުތަކަށް ޕާޓީގެ ރިޔާސީ ކެންޑިޑޭޓް އަލްފާޟިލް އުމަރު ނަޞީރު ޖަވާބުދެއްވިއެވެ.