އައި.ޑީ.ޕީގެ ރިޔާސީ ކެންޑިޑޭޓް އަލްފާޟިލް އުމަރު ނަސީރުގެ ކެމްޕޭން ދަތުރުފުޅުގައި މ.ދިއްގަރަށް ވަޑައިގެން މިއަދު (2008 ސެޕްޓެމްބަރ 23 ވަނަ ދުވަހު) 15:30 ގައި އެރަށު މާރުކޭޓް ސަރަހައްދުގައި ރައްޔިތުންނާއި ބައްދަލުކުރައްވައިފިއެވެ. މިބައްދަލުކުރެއްވުމުގައި ވާހަކަފުޅު ދައްކަވަމުން އެރަށުގެ ރައްޔިތުން ކުރެއްވި ސުވާލަކަށް ޖަވާބު ދެއްވަމުން ވިދާޅުވީ މިރަށަކީ ބިން ފުރުފައިވާ ރަށަކަށްވާތީ އެމަނިކުފާނުގެ ވެރިކަމެއްގައި މިފަދަ ރަށްރަށުގައި އަޅުއްވަން ހަމަޖައްސަވާފައިވާ ފްލެޓްތަކުގެ ތެރެއިން މިރަށުގައިވެސް ފްލެޓް އަޅުއްވައިދެއްވާނެ ކަމަށެވެ.
މިރަށުގެ ރައްޔިތުން އެމަނިކުފާނު ވަޑައިގަތުމުން ދެއްވި ތަރުހީބަށް ޝުކުރު އަދާކުރެއްވިއެވެ.
