އައި.ޑީ.ޕީގެ ރިޔާސީ ކެންޑިޑޭޓް އުމަރު ނަސީރު ދ.މާއެނބޫދޫ އަށް ވަޑައިގެންފިއެވެ. ދ.މާއެނބޫދޫ އަކީ 970 ވަރަކަށް މީހުން ހިމެނޭ ރަށެކެވެ. މިރަށައް ވަޑައިގެންނެވީ މިއަދު 2008 ސެޕްޓެމްބަރު 25 ވަނަ ދުވަހުގެ 15:55 ގައެވެ. މިރަށަށް ވަޑައިގެން އެންމެ ފުރަތަމަ ރަށު ރައްޔިތުންނާއި ބައްދަލުކުރެއްވައި އެމަނިކުފާނުގެ ސިޔާސަތުތައް ހާމަކުރެއްވިއެވެ. އެއަށްފަހު ރަށުގެ މުހިންމު ތަންތަނަށް ވަޑައިގެން ރަށުގެ އާންމުހާލަތު ބައްލަވައިލެއްވިއެވެ. އަދި އެއަށްފަހު ދ.ހުޅުދެލިއަށް ވަޑައިގެންނެވިއެވެ. ދ.ހުޅުދެލެއަށް ވަޑައިގެންނެވީ 17:35 ގައެވެ.
މިރޭ އުމަރު ނަސީރު އާއި އެމަނިކުފާނުގެ ކެމްޕޭން ޓީމް ރޭކުރުމަށް ހަމަޖެހިފައިވަނީ ހުޅުދެލީގައެވެ. އަދި މިރޭ 09:15 ގައި ހުޅުދެލީގެ ރައްޔިތުންނާއި ބައްދަލުކުރެެއްވުން އޮންނާނެކަމަށް އައި.ޑީ.ޕީގެ މުރާސިލް މައުލޫމާތު ދެއްވައެވެ.
